اسباب ارتداء الاطباء والممرضات ملابس خضراء فى غرف العمليات

اسباب ارتداء الاطباء والممرضات ملابس خضراء فى غرف العمليات

ياترى ايه سبب ان الدكاتره والممرضات بيلبسوا اللون الاخضر فى اوضة العمليات ؟؟ حتى ان بعضهم بيلبس اللون الاخضر حتى لو مش هيدخل اوضة العمليات ، وكلنا عارفين ان لبس الدكاتره بيكون ابيض كرمز للنضافه لكن الدكاتره أكدوا كتر استخدامها بيسبب اجهاد العين والصداع ، ومن منتصف القرن العشرين لجأ الدكاتره والممرضات لتغيير لون اللبس جوه اوضة العمليات بس كانوا خايفين من صعوبة توحيد اللون عند كل الدكاتره .. وكان اللون الابيض بالنسبه لدكاتره كتير وسام ، وكان التحول للون الاخضر فى غرفة العمليات أمر صعب.

طيب ليه بيلبس الدكاتره والممرضات ملابس خضرا فى اوضة العمليات ؟؟

أهتم الدكاتره بضرورة توحيد اللون الاخضر فى غرف العمليات علشان ميحصلش فوضى كامله وسط الدكاتره ويستخدم الدكاتره والممرضات الللبس المختلف وكمان علشان يمنع حدوث الفوضى دى تم تحديد اللون الاخضر كزى رسمى ولبسه وقت العمليات ، وكان فى مقال اتنشر فى مجلة الجراحين بيؤكد على ضرورة توحيد الزى الاخضر للدكاتره والممرضات جوه العمليات وتكون هيا الملابس المعروفه وده علشان فى سببين اساسيين ورا اللبس الاخضر فى غرف العمليات.

اولا : اللبس الاخضر للدكاتره والممرضات فى اوضة العمليات بيحقق رؤيه احسن وبيساعد الدكاترة فى رؤية اللون الاحمر بدقه واللى بيشمل لون الاحشاء الدمويه للمريض وقت الجراحه ، وبيساعد اللون الاخضر الدكتور فى التفرقه بين درجات الالوان وقت العمليات ، لانه بيدى اشارة للدماغ لرؤية الفروق الدقيقه بين اللون الاحمر واللون الوردى فى جسم الانسان ، علشان كده اللون الاخضر بيخلى عيون الدكتور أو الممرض اكتر حساسيه لملاحظة التغيرات فى اللون الاحمر ودرجاته ودى حاجه ضروريه وقت الجراحه وده كمان اللى قاله جون ورنر الدكتور النفسى فى جامعة كاليفورنيا.

ثانيا : اللون الاخضر من الالوان المشرقه اللى بتساعد الدكتور أو الممرض فى زيادة الشعور بالاسترخاء والنشاط وقت العمليات وخصوصا مع كتر تعرض عين الدكتور والممرضات للون الاحمر وطبعا كده بيتمكن من زيادة التركيز وقت العمليه ، وكمان الدكاتره قالوا بأن كتر التعرض للون الاحمر ممكن يسبب خلل فى رؤية الدكتور ولون أخضر على الاسطح البيضا ، وبتظهر أوهام اللون الاخضر وبتحول نظره عن اللون الاحمر وهوه لون انسجة الجسم للنظر للون ابيض لكن لما بلبيس الدكاتره اللون الاخضر وقت العمليات بيمنع حدوث المشكله دى.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اكتئاب الاب بعد الولاده

اكتئاب الاب بعد الولاده المولود الجديد بيقلب حياة ابوه وامه رأسا على عقب فتقريبا كل …