رياضة رفع الاثقال وتأثيرها على الدماغ

رياضة رفع الاثقال وتأثيرها على الدماغ

ايه اللى ممكن تعمله رياضة رفع الاثقال لمدة 20 دقيقه بدماغك ؟؟

فايدة رياضة رفع الاثقال من أول بناء العضلات لحد تخفيف التوتر النفسى ودى أمور معروفه لمعظم لاعبي الرياضه دى ، لكن الجديد ومفاجئ للبعض ان جلسات رفع الاثقال بيكون ليها تأثير مباشر على عمل الدماغ وفى مدة زمنيه قصيره نسبيا من التمرين.

طرحت دراسه جديده من نوعها حولين الدماغ والعضلات ان التمرين لمدة 20 دقيقه بيقوي وبيحسن الذاكره عن الاعبين بنسبة 10%.

والدراسه دى بتشير ان الشخص مش محتاج انه يلعب ساعات طويله علشان يكون فى تأثير ايجابى على تحسن الذاكره ، وده اللى وضحته رئيسة الدراسه lisa Weinberg طالبة الدراسات العليا فى معهد جورجيا التقنى.

فى الدراسه دى قام الباحثين بطرح 90 صورة على شاشة الكمبيوتر على 46 متطوع وطلبوا منهم يقوموا بحفظ الصور دى فى ذاكرتهم وبعدين قاموا بتقسيم المتطوعين لمجموعتين.

المجموعه الاولى طلب منهم يعملوا تمرين رياضى معين والمجموعه التانيه تفضل قاعده من غير اى جهد.
وجمع الباحثين عينات من اللعاب من كل متطوع ، وبعد يومين اتجمع كل المتطوعين والباحثين ، والباحثين عرضوا 180 صوره من بينها الـ 90 صوره اللى قبل كده اللى شفوها اول يوم من الدراسه وعرضوها على كل متطوع وطلبوا منهم يحددوا ايه هيا الصور الجديده اللى اضافت على المجموعه.

افتكر المتطوعين اللى قاموا بالتمرين الرياضى 60% من اجمالى الصور انما افتكر المتطوعين التانيين 50% من اجمالى الصور اللى شافوها.

والنتيجه دى بتدعمها دراسه سابقه بتقول بان الكبار فى السن اللى بتتراوح اعمارهم بين 50 لـ 85 بتتحسن عندهم الذاكره بمجرد انهم يعملوا بعض التمارين الرياضيه وده بسبب افراز الجسم لهرمون التوتر النورابينفرين المعروف عنه انه ليه تأثير قوى على الدماغ لانه بيبعت رسايل كيميائيه للمساعده فى استرجاع الذاكره بسرعه أكبر.

واتبين فى الدراسه دى ان التمارين الرياضيه فعلا بتزود من وجود الهرمون ده ، واللى عملوا التمارين الرياضيه اتبين وجود الهرمون ده فى اللعاب بنسبه عاليه عندهم لما اتفحص.

النتايج دى مشجعه جدا لعمل التمارين الرياضيه اللى ليها تأثير كبير على الدماغ واسترجاع الذاكره.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

تعرف على 10 معلومات خطيره عن الغده الدرقية

تعرف على 10 معلومات خطيره عن الغده الدرقية بالرغم من ان الاصابه بالغده الدرقيه بيتزايد …