علاج ألم الاسنان ومشاكل اللثه

علاج ألم الاسنان ومشاكل اللثه

يعتبر الاصابه بألم الاسنان ومشاكل اللثه من المشاكل الشائعه اللى بيمر بيها ناس كتير حول العالم ، ولكن اللى مش عارفه ناس كتير منهم ان مجرد اتباع روتين يومى لتنظيف سنانهم ممكن يجنبهم الزيارات الكتير المتكرره والمؤلمه لدكتور السنان ، زى استعمال الفرشه والمعجون وخيط السنان وغسول الفم اللى بيمنع تراكم البكتيريا الضاره لانه بيوصل لاماكن مش بتقدر الفرشه توصل ليها.

أعراض تسوس الاسنان :

1. الاحساس بالوجع فى السنان نفسها او حوليها بشكل متقطع او مستمر .
2. وجع بتحس بيه لما بتلمس السنان او الضغط عليها .
3. ورم فى المنطقه المحيطه بالسنان المصابه .
4. الاحساس بوجع لما بتفتح بؤك.
5. ارتفاع فى درجة حرارة الجسم او حمى .
6. الاصابه بالصداع او الوجع الشديد فى الأذن.
7. خروج افرازات من السنان المصابه او المنطقه المحيطه بيها.
8. الاحساس بمذاق وحش فى الفم.

ازاى تعتنى بنضافة الفم لتتجنب ألم السنان ومشاكل اللثه؟؟

علشان الوقايه خير من العلاج ، يعتبر الحرص على نضافة الفم خير وسيلة لتجنب مشاكل اللثه وألم السنان :
1. غسل السنان مرتين كل يوم باستخدام معجون اسنان كويس يحتوى على مادة الفلورايد.
2. استخدام خيط السنان لتنضيف الفراغات بين السنان مره واحده فى اليوم على الاقل.
3. تنضيف الفم براحه لتجنب اصابة اللثه.
4. استخدام غسول الفم المضاد للبكتيرا مره او مرتين يوميا.
5. تجنب الأكل اللى بيحتوى على كميات كبيره من السكر.
6. زيارة دكتور السنان كل 6 شهور او كل سنه لفحصها وتنضيفها وتنضيف اللثه.
7. الاقلاع عن التدخين.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …