5 تمارين يمكنك اداؤها عند تنظيف المطبخ

طبعا كلنا ستات غلابه وبنقضى وقتنا كله تقريبا جوه المطبخ والوقت الباقى فى تنضيف البيت وترتيبه ورعاية ولادنا ومفيش وقت خالص علشان نقدر نمارس الرياضه ، علشان كده بقا الجيم بتاعنا هيكون جوه المطبخ اشمعنا الرجاله يعنى يلا تعالى منك ليها اقولك على شوية تمارين تقدرى تعمليها وانتى فى المطبخ.

1_ الاسكوات :


تقدرى تعملى التمرين ده وانتى بتراقبى الاكل اللى جوه الفرن والتمرين ده مخصص للجزء الاسفل من الجسم وبيشد البطن وبيخلصك كمان من السيلوليت وبيحسن الهضم وبيقوى العضلات وطريقته انك تقفى معتدله وتفتحى رجليكى شويه وبعدين تبدأى فى النزول لتحت بأسفل ضهرك وتحافظى على ضهرك مفرود وتقدرى تبحثى فى جوجل علشان تفهمى الطريقه اكتر.

2_ تمرين التوازن :


التمرين ده بيعمل توازن للجسم .. ارفعى رجل واحده بزاوية 90 درجه لمدة 10 ثوانى وبعدين نزليها وكررى العمليه دى بالتبادل مع الرجل التانيه.

3_ تمرين الارتكاز :


التمرين ده بيساعد على تقوية عضلات البطن لو فى حاجه اندلقت على الارض متزعليش علشان هتقدرى تمارسى التمرين ده بانك ترتكزى على ركبه واحده مع فرد الرجل التانيه وراكى ولما تخلصى التنضيف قومى براحه وكررى التمرين مع الركبه التانيه.

4_ تبديل الساقين :


لما تكونى بتقطعى الخضار افردى رجل واحده لورا وخلى تقلك على الرجل التانيه وبعدين بدلى بينهم وهكذا.

5_ الضغط :


التمرين ده بيعمل على تقوية عضلات الكتفين والبطن وبيحافظ على لياقة عضلات الصدر وممكن تعملى التمرين ده وانتى سانده على الرخامه مش لازم على الارض.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصايح لفقدان الوزن خلال رمضان

نصايح لفقدان الوزن خلال رمضان هقدملك بعض النصايح لاستغلال شهر رمضان فى فقدان الوزن وتنقية …