اسباب تأخر البلوغ عند الأولاد

اسباب تأخر البلوغ عند الأولاد

 

ممكن تبدأ مرحلة البلوغ عند الولاد فى اعمار مختلفه بس عندنا 95% منهم بتبدأ مرحلة البلوغ عندهم فى عمر 9 لـ 14 سنه علشان كده بنعتبر تأخر مرحلة البلوغ بيبدأ من بعد 14 سنه وبتحتاج تعرف اسباب تأخر مرحلة البلوغ عند الولاد وأقرب علامات البلوغ اللى بتظهر عند الولاد هيا تغير حجم الخصيتين وبعدها على طول نمو العضو الذكرى والعانه وبيحصل البلوغ ده لما بتبدأ الغده النخاميه بانتاج اتنين من الهرمونات وهما LH ، FSH والهرمونات دى بتساعد فى نمو الخصيتين علشان تنتج هرمون التستوستيرون وبعدها بتحصل طفره لنمو الاعضاء التناسليه غالبا بتكون فى سن ال 15 سنه.

ايه هو تأخر البلوغ ؟؟

المصطلح الطبى المعروف عن تأخر البلوغ هو غياب أو عدم اكتمال نمو الصفات الجنسيه الثانويه ، واللى بتحدد 95% من النضج الجنسى عند الاطفال ، واحصائيات المركز الطبى الوطنى قالت ان 95% من الولاد بتبدأ اول علامات البلوغ عندهم وهيا نمو الخصيه فى عمر 14 سنه لكن البنات بتبدأ فى عمر 12 سنه.
وفى العاده بيحصل تأخر البلوغ بسبب عدم انتاج مايكفى من الستيرويد فى الغدد التناسليه واللى بدورها بتسبب افراز الغدد النخاميه الاماميه وده بيسبب تأخر البلوغ.

ايه هو سن البلوغ ؟؟

سن البلوغ هوه الفتره اللى بيخضع فيها الولاد والبنات لعمليات النضج الجنسى وبيحصل فى سن البلوغ سلسة تغيرات فى الجسم او الخطوات اللى بتسبب تغيرات فى الخصائص الجنسيه والخصائص الجسديه والبيولوجيه وممكن يكون ليها تأثير على النمو النفسى والعاطفى للمراهق.

امتى بيكون سن البلوغ ؟؟

بتختلف بداية سن البلوغ بين الافراد وفى العادى بيحصل عند البنات فى فترة 12 لـ 14 سنه انما الولاد ممكن يحصل مابين 12 لـ 16 سنه .. وفى الايام دى ممكن يوصل المراهقين لسن البلوغ بدرى شويه ممكن يكون بسبب تأثير البيئه الغذائيه وغيرها من العوامل المسئوله عن التغيرات.

ايه هو سبب تأخر البلوغ عند الولاد ؟؟

لحد دلوقتى السبب المنتشر اكتر ورا تأخر سن البلوغ عند الولاد هو الوراثه ، الولاد دول بيتمتعوا بصحه كويسه بشكل عام وده بيخلى مفيش سبب كافى لتأخر سن البلوغ وتلت الحالات بتكون بسبب الوراثه من احد الوالدين او هما الاتنين، او ممكن يحصل الـتأخر واللى بيبدأ بعد 14 سنه لأن الاب ظهرت عليه علامات البلوغ عنده وحصل طفره فى النمو فى وقت متأخر بعد سن 16 سنه او حتى بيستمر النمو بعد تخرجه من الثانويه العامه.
وممكن يكون تأخر سن البلوغ عند الولاد بسبب الاصابه بالامراض المزمنه زى مرض التهاب الامعاء ومرض فقر الدم او التليف الكيسى وغالبا بيكون الاسباب دى المنتشره اكتر ورا تأخر البلوغ.
وفى عدد قليل من الولاد اللى بيعانوا من تأخر البلوغ بيكون عندهم نقص مدى الحياه فى هرمونات البلوغ والمشكله دى اسمها خلل الغدد التناسليه وعادة بتكون المتلازمه دى موجوده من وقت الولاده وبيحصل بسبب ان ولاد كتير اتولدوا بعضو ذكرى اصغر من الحجم المعتاد.
وكمان خلل هرمونات الغده النخاميه بيسبب تأخر سن البلوغ وبيكون فى عمر 17 سنه وبنسمى الحاله دى متلازمة كالمان ، وبتظهر علامات تأخر سن البلوغ عند الولاد بملاحظة صغر حجم الخصيتين لانه سهل تحديد حجم الخصيتين على الفحص السريرى ويقدر الدكتور يعرف حجم الخصيتين.

ونقدر نختصر الاسباب دى كلها فى مجموعة نقاط مهمه :

1. تلف الخصيه وحدوث رتق ، التواء الخصيه ، التهاب الغده النكافيه ، أو غيره من الامراض.
2. المشاكل الصحية زى متلازمة نونان، متلازمة برادر ويلي، متلازمة بارديه، متلازمة كلاينفليتز، إضطراب الكروموسومات .
3. التعرض للعلاج الاشعاعى للخصيه او المناطق التناسليه.
3. تناول الأدوية مثل سيكلوفوسفاميد .

ازاى بيتم علاج تأخر سن البلوغ ؟؟

فى حالة كان تأخر البلوغ بسبب عوامل الوراثه يبقا المشكله مع الانتظار والصبر هيتم معالجتها ، وممكن تستمر طفرة نمو وظهور مرحلة البلوغ من 6 لـ 18 شهر علشان يبدأ البلوغ بشكل طبيعى علشان كده بننصح باجراء اختبارات الغدد الصماء للأطفال علشان نعرف مستوى هرمون التستوستيرون ولما تكون المشكله فى الخصيتين يبقا هرمون التستوستيرون بيكون هو العلاج المثالى لكن الجرعه بتحتاج لزياده مع مرور الوقت وهتحتاج تستمر معاه فى سنوات النضج.
بصفه عامه بيعتمد علاج تأخر البلوغ عند الولاد على السبب ، ولما بيكون الاضطراب بسبب عادات غير صحيه او الدكاتره تدى هرمونات جنسيه تكميليه علشان يعجل العمليه وده العلاج المنتشر اكتر عند الولاد.
وفى حالة الاضطرابات الوراثيه مش ممكن العلاج منها لكن العلاج الهرمونى بيساعد فى تطور الخصائص الجنسيه.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. دودى اخيرا لبست توكه

حواديت ماما .. دودى اخيرا لبست توكه كل الستات بتحلم إنها تخلف بنات عشان تسرح …