التخلص من الصداع بعد التخدير النصفى للولاده

التخلص من الصداع بعد التخدير النصفى للولاده

فى ستات بتتصاب بصداع حاد بعد التخدير النصفى للولاده وفى العاده بيأثر الصداع ده على الجزء الامامى او الخلفى من الراس وبيزيد حدته لما بتقف او تقعد وبيقل شويه صغيره وهيا نايمه وممكن كمان يصاحبه ميل للقئ ووجع فى الرقبه ومش متحمله الضوء.

معظم الستات بيوصفوا الصداع ده بانه نوبه جامده جدا من الصداع النصفى وبيبدأو يحسوا بيه من اول يوم لحد اسبوع بعد مايتعرضوا للتخدير النصفى وبيرجع سبب الاصابه بالصداع النصفى لدخول الابره ساعة التخدير للغشاء المحيط بالسائل الشوكى واللى بيسبب خروج جزء من السائل بره الغشاء والغشاء المصاب ده بيلتئم فى العاده خلال اسابيع وطبعا دى فتره طويله اننا نسيب الأم بتعانى من الصداع.

طيب ازاى نقدر نتعامل مع الصداع العنيف ده؟؟

1. لازم الاول نبدأ بمسكنات الالم المعروفه زى الباراسيتامول أو الإيبوبروفين، مع استشارة الدكتور علشان نعرف تأثير المسكن على لبن الرضاعه لو كنتى بترضعى طبيعى.

2. ممكن نستعمل بعض مسكنات الالم المؤثره اكتر زى ديكلوفيناك الصوديوم أو البوتاسيوم، مع استشارة الدكتور برضه.

3. ممكن حقن بعض مسكنات الالم فى نفس مكان الابره المستعمله فى التخدير النصفى.

4. لو متمش السيطره على الصداع بعد مسكنات الالم والأم لسه بتعانى ممكن يلجأ الدكتور انه يحقن شوية من دم الأم فى ضهرها ويكون قريب من مكان ابرة التخدير النصفى لأن تجلط الدم ده بيكون غالبا كفايه لسد الجرح اللى موجود فى غشاء الجافيه.

فى جميع الاحوال ، لازم الدكتور المعالج يستبعد حدوث تسمم للحمل بعد الولاده اللى ممكن يحصل فى حالات نادره وبيكون بسبب ارتفاع ضغط الدم عند الأم قبل الولادة وبيكون هو ده السبب فى الصداع الحاد.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

للحامل احترسي من حلويات العيد

للحامل احترسي من حلويات العيد هل عيلنا عيد الفطر المبارك ، وطبعا العيد يعنى الكعك …