المكملات الغذائيه بعد سن الـ50

المكملات الغذائيه بعد سن الـ50

لكل مرحلة عمرية احتياجاتها المحددة، وعلشان كده دى أهم المكملات الغذائية اللي هيحتاجها جسمك بعد سن الخمسين.

فيتامين أ:
يعتبر فيتامين أ من الفيتامنات المهمه اللى لازم ناخدها بعد سن الخمسين لانها بتحافظ على صحة الجلد والانسجه وكمان بيحافظ على صحة العين .
الجرعه المناسبه :
600 ميكروجرام من فيتامين أ كل يوم وموجود فى المشمش والجوافه والجزر والبيض والاسماك الغنيه بالزيوت.

فيتامين ب 12:
ممكن تعانى من امتصاص فيتامين ب 12 بعد سن الخمسين علشان كده لازم تحافظ على مستوى الفيتامين ده فى جسمك لأن فيتامين ب 12 بيحافظ على صحة الاعصاب لأنه بيساعد على التركيز وبيحافظ كمان على صحة كرات الدم وبيساعد فى علاج فقرالدم.
الجرعه المناسبه :
تناول 3 ميكرو جرام من فيتامين ب 12 كل يوم وموجود فى اللحوم والاسماك والدواجن وكمان فى منتجات الالبان والبيض.

فيتامين د:
بيعمل فيتامين د على تحقيق توازن الكالسيوم في الجسم، وليه دور مهم في تشكيل خلايا الدم وزيادة المناعة، لانه بيمتص فيتامين د المعادن ويرسبها في العظام، كما ن بيقلل من خطر الإصابة بسرطان الثدي.
الجرعه المناسبه:
2.5 ميكروجرام من فيتامين د كل يوم وموجود فى البيض ومنتجات الالبان واللحوم والاسماك وكمان ممكن عن طريق التعرض للشمس لمدة ربع ساعه كل يوم.

فيتامين هـ:
بيساعد على تأخير ظهور علامات الشيخوخة والتجاعيد، فهو من الفيتامينات المهمة لصحة البشرة والشعر، كما ن بيعمل على تكوين كريات الدم الحمراء بشكل سليم.
الجرعة المناسبة:
لازم تناول 15 مللي جرام من فيتامين هـ يوميًا بعد سن الخمسين وموجود فى المكسرات، زى البندق والفول السوداني والحبوب الكاملة، وموجود كمان في الخضروات الورقية.

الكالسيوم:
من العناصر المهمة اللي بتساعد على الحفاظ على صحة العظام،وبيعمل على الوقاية من آلام المفاصل وترقق العظام وهشاشتها، كمان بيساعد على مكافحة الأمراض المزمنة.
الجرعة المناسبة:
تنصح المعاهد الوطنية الأمريكية للصحة بتناول 1000 مللي جرام من الكالسيوم يوميًا ويوجد في البيض ومنتجات الألبان والسردين، وموجود كمان في الأرز البني والبقوليات.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …