جوزى بيراقب موبايلى ايه الحل ؟

جوزى بيراقب موبايلى ايه الحل ؟

حتى لو كنتى كتاب مفتوح قدام جوزك ومش بتخبى عنه حاجه فده مش بيديله الحق فى انه يشوف رسايلك الخاصه سواء على الموبايل أو وسائل التواصل زى الواتساب او الفيس بوك واللى ممكن يكون فيها اسرار بتخص صحباتك اختاروا انهم يقولولك على اسرارهم وهما واثقين ان مفيش حد غيرك هيشوفها.

طيب لو اكتشفتى ان جوزك بيراقبك أو بيشوف رسايلك الخاصه بأى طريقه ؟ هتتصرفى ازاى؟

فى البدايه : ايه هيا الاسباب اللى تخلى الراجل يتجسس على مراته؟

_ الشك : ان الراجل يتخيل ان فى علاقات تانيه لمراته وانها بتحكى عن علاقتها بيه لصحباتها او قرايبها واللى بيخليه يقرا رسايلها ليهم.

_ انه عايز يعرف اكتر عن معاملاتها الماديه واللى بتخليه يراقب الرسايل اللى جايه من البنك واللى ليها علاقه بحسابتها.

_ التسلط : بعض الرجاله بيكونوا متسلطين وعايز يتحكم فى كل حاجه حوليه واللى بيخليه عايز يعرف كل اللى بيخص مراته.

_ انه مش حاسس بالأمان.

_ لو فى حالة تخطيط للطلاق ممكن يكون بيدور عن حاجات يستخدمها ضدك فى المحكمه.

والحل ؟؟

_ أول خطوة انك تفهمى السبب وتكونى هاديه جدا واوعى تهاجميه علشان مياخدش موقف دفاعى واللى هيصعب عليكى توصلى لحل.

_ خليكى صريحه معاه وحاولى تفهمى السبب الحقيقى.

_ الموضوع بيختلف من شخص للتانى بسبب طبيعته لو كنتى شايفه ان المصارحه مش هتجيب فايده مع جوزك يبقا كفايه تغيرى كلمة السر لكل حساباتك.

للوقايه من التجسس :

_ غيرى كلمات السر الخاصه بيكى ومتخليهاش رموز سهل انه يتوقعها زى تواريخ جوازكوا او اعياد ميلادكوا.

_ متسجليش دخول على حساباتك من موبايل جوزك.

_ متسيبيش الاكونت بتاعك مفتوح على الكمبيوتر .

_ خصصى كلمة سر لفتح موبايلك.

_ متوحديش كلمة السر لكل الحسابات واللى بيسهل على اللى يعرف واحد انه يعرف الباقى.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اليوجا .. رياضة الروح والجسد

اليوجا .. رياضة الروح والجسد لما بتخيل رياضة اليوجا بتخيل أوضه هاديه فيها شموع معطره …