شوية اهمال هيخلوكى أم ناجحه !

اسباب نجاح الام فى تربية اطفالها

شوية اهمال هيخلوكى أم ناجحه !

فى ستات اعرفهم بيتباهوا ويفتخروا اوى انهم امهات شداد فى اللى البيت ونضافته اكيد طبعا النضافه والنظام حاجتين مهمين اوى بس فى مره كنت بزور واحده كان ابنها الصغير منهار من العياط وبيرتعش من الخوف لانه بس كسر واحده من التحف الصغيره وهو بيلعب وبيجرى ورا ابنى وفضل طول الوقت مستخبى فى اوضته خايف من العقاب والضرب لحد ماكمان الولد وصل بيه بعد كده للتبول الاارداى بليل والعنف مع زمايله فى المدرسه.

شوية من الفوضى والتخلى عن النظام الصارم كل ده بيصب فى مصلحة نفسية الابناء والام كمان وخصوصا فى مرحلة الطفوله المبكره والسن اللى قبل الحضانه لان الطفل فى السن ده بيكون عايز يستكشف البيئه اللى حواليه وتجربة كل اللى بتقع عينه عليه وهنا بقا ييجى دول الام بتجهيز البيت بحيث يتناسب مع المرحله العمريه للطفل وتشيلى كل حاجه مؤذيه اوغاليه بعيده عن ايديه لحمايته وسلامته.

فى واحده من خبيرات التربيه بتنصح انك تسيبى ولادك يوسخوا هدومهم والاوضه بتاعتهم بالالعااب وينطلقوا ويخرجوا طاقتهم بشكل صح وده بيزود من مناعة اجسامهم كمان ضد الامراض والحقيقه ان البيت اللى فيه اطفال صغيره مش لازم يكون نضيف ومترتب طول الوقت باالعكس الاطفال الهاديين زيادة عن الطبيعى والازم لازم نعرضهم على دكتور متخصص علشان نعرف فين المشكله.

والقوانين الصارمه والعقاب العنيف فى البيت بتأثر على صحة الاطفال النفسيه زى مثلا :
1. زيادة العنف لدى الطفل مع الآخرين.
2. العناد مع الأم والأب.
3. الكذب خوفًا من العقاب.
4. التبول اللا إرادي.
5. السرقة.
6. الانطواء والخوف من التعامل مع الآخرين، واللى يسبب للطفل مشكلات اجتماعية لاحقًا.
7. توتر علاقة الطفل بالأم والأب وإخوته.

بأكد مره تانيه انا مش بقولك انك تسيبى بيتك وسخ ومتبهدل اوى وفوضى تضر بصحتك وصحة ولادك بس انا بقولك تيسبى لولادك بعض الحريه لولادك فى اللعب والانطلاق من غير قوانين وعقاب صارم يضر بصحتهم النفسيه بعد كدا.

ازاى يخليكى بعض الإهمال أم ناجحة؟

1.اتخلصي من الكراكيب اللي بتسبب الفوضى في البيت، وخاصة في أثناء لعب أطفالك الصغيرين.

2.خصصي مكان واسع لولادك علشان يلعبوا بحرية.

3.احفظي كل ما هو ثمين وغال بعيد عن متناول أياديهم.

4.دربيهم بالتدريج على مساعدتك في تنظيم الأوضه بعد مايخلصوا اللعب في آخر اليوم.

5.خلى العقاب مناسب للى عملوه ولأعمارهم،من غير ضرب أو صراخ أو عنف.

6.خرجي أطفالك للحدايق والمتنزهات علشان يخرجوا طاقتهم في الجري واللعب بشكل صحيح.

وأخيرًا،اعرفى أنها مرحلة عمرية بسرعه هتمر وهيكبر أطفالك الصغيرين، ويرجع البيت مرّة تانيه من غير فوضى.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

5 طرق لتقديم الحليب لطفلك

5 طرق لتقديم الحليب لطفلك شرب كوباية لبن على الفطار لطفلك ، ممكن يكون مشهد …