علامات الحمل ببنت

علامات الحمل ببنت

فى العادى بيتحدد نوع الجنين مع بداية الشهر الخامس ، والحقيقه انك بمجرد انك تعرفى بخبر الحمل بتتولد عندك رغبه جامده جدا فى انك تعرفى نوع الطفل اللى هيجى ايه ، وياترى ولد ولا بنت ؟؟ ولسه هستنى اربع شهور علشان اعرف ؟؟ ويارتى ممكن اعرف جنس طفلى قبل مايعرفه السونار؟؟

الرغبه دى مهما حاولتى تكتميها وتخبيها فهيا هتخرج هتخرج ده أكيد وهتبدأى وقتها تسمعى لكلام الجدات القديم اللى ليه علاقه بعلامات الحمل بولد أو بنت ، وبالرغم من تقدم العلم الا ان العلامات دى لسه بتأثر فينا وتخلينا نتنبأ بجنس المولود قبل ولادته واحيانا بتصيب واحيانا بتخطئ ! وبعضها العلم اثبته وبعضها بتكون مجرد علامات عاديه ملهاش علاقه بجنس المولود.

ودلوقتى هقول لكل أم حامل نفسها تجيب بنت شوية علامات تعرفك انها بنت بس لازم تكونى عارفه انها مجرد تكهنات ممكن تصيب وممكن تخطئ لأن الحقيقه الوحيده المعروفه هيا انك تستنى اجابة السونار النهائيه والقاطعه.

وبعض العلامات اللى بتشير انك حامل ببنت هيا :

1. بيزيد معدل ضربات القلب للجنين البنت وبيوصل لأكتر من 140 نبضه فى الدقيقه الواحده وكمان بيتميز بسرعته عكس الولاد.

2. بتكون بطن الحامل ببنت مرفوعه ومتركزه فى الوسط بعكس الحامل بولد بطنها بتكون كبيره وبتميل لتحت.

3. كتير من الحوامل ببنات بتتحول بشرتهم لدهنيه بشكل أكبر خلال فترة الحمل وبتفضل محتفظه بجمالها بسبب هرمون الانوثه.

4. بتزيد اعراض الغثيان والقئ فى فترة الصبح بدرى فى حالة الحمل ببنت خصوصا اول ماتقومى من السرير فى التلات شهور الاولى.

5. بتظهر تقلبات مزاجيه حاده بتزيد فى حالة الحمل ببنت اكتر من الحمل بولد.

6. بيتغير حجم الثديين والحلمتين وممكن يزيد حجم المؤخره فى فترة الحمل الاولى.

7. بيكون لون البول للحامل ببنت اصفر فاتح على عكس الحمل بولد لون البول بيميل للأصفر الغامق.

8. لو كنتى بتحبى تنامى على جنبك اليمين بسبب ان الجنين متركز على شمال البطن لآنهم بيقولوا ان البنت بترتبط بقلب امها.

9. لو كانت حركة الجنين فى بطنك بطيئه وهاديه.

10. لو كنتى بتحتفظى بلمعان شعرك وحيويته وبجمالك وحيوية بشرتك وضوافرك ده كله بسبب زيادة هرمون الانوثه بعكس الحمل بولد وزيادة هرمون الذكوره.

العلامات دى مش بتعتبر صح علميا بشكل قاطع انما بتعتمد اكتر على التكهنات بين الامهات والجدات واللى بيأكد نوع الجنين اكتر هو السونار والدكتور فبلاش تعتمدى عليها اعتماد مطلق.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 وصفات منزليه للتخلص من السيلوليت

4 وصفات منزليه للتخلص من السيلوليت السيلوليت أو ترهل البشره عباره عن لعنه بتصيب الستات …