كيفية مساعدة الطفل فى اعمال المنزل

كيفية مساعدة الطفل فى اعمال المنزل

واضح ان الأعمال المنزلية اللي بنقوم بيها يوميًا كأمهات مبتخلصش، بداية من تنضيف الأطباق وترتيب فوضى غرف النوم وتنظيم الألعاب المبعتره في أرضية البيت هنا وهناك، ولحد الطبيخ والغسيل والمذاكرة للأولاد وغيره وغيره وغيره.
ولكن، الخبر السار أنك تقدرى ياحبيتى من دلوقتى توكيل بعض المهام المنزلية لأطفالك الصغيرين والمراهقين، على حسب سنهم وقدراتهم الجمسانية.

والحلو كمان ، أن المهام المنزلية دى مش هتساعدك بس في انك ترتاحى شويه ، ولكن هتنمى مهارتهم الذهنيه والبدنيه كتير، على راسها الاعتماد على النفس والاستقلال وتقليل العناد والسلوكيات الخاطئة، وزيادة الإحساس بالمسؤولية وحسن التصرف والنضافة الشخصية، وتعزيز الثقة بالنفس والرحمة والتقدير.

هيا دى الأعمال المختلفة اللي يقدر ولادك يعملوها في البيت على حسب سنهم:

1- السن: من 2 إلى 3 سنين:

• يحطوا الالعاب في الصندوق
• يحطوا لبسهم المتوسخ في سلة الغسيل
• ترتيب جزمهم الصغيرة في مكانها
• ترتيب سلال الألعاب
• يشيلوا الحاجات الصغيرة البلاستيك من على الأرض أو التربيزه

2- السن: من 4 إلى 5 سنين:

• تأكيل الحيوانات الأليفة والعناية بيها
• مسح السوايل اللى اتدلقت
• إعادة الألعاب لمكانها
• ترتيب السرير بعد مايصحوا من النوم بمساعدة الأم
• تنشيف الأطباق الصغيرة
• ترتيب ألعابهم وجزمهم ولبسهم الصغير

3- السن: من 6 إلى 7 سنين:

• يلبسوا هدومهم بنفسهم
• تنضيف الأسطح زى التربيزات والمكاتب
• تجميع الورق المرمى على الارض من البيت، ووضع أطباق الأكل في حوض الغسيل
• تطبيق الفوط وغسل سنانهم والاستحمام لوحدهم مع المراقبه
• مسح الأرضيات
• تحضير سفرة الأكل بوضع الأطباق والملاعق

4- السن: من 8 إلى 9 سنين:

• يحطوا الاطباق في غسالة الصحون
• غسيل الاطباق وتنشيفها بالكامل
• نشر الغسيل على منشر الغسيل وتطبيق الهدوم النضيفة
• إزالة التراب عن الأثاث
• ترتيب السرير والصاله

5- السن: من 10 إلى 12 سنة فيما فوق:

• تنضيف الحمامات
• كنس السجاد بالمكنسة الكهربائية
• تنضيف المطبخ
• يعملوا وجبة طعام خفيفة
• تحضير ساندويتشات المدرسة
• يذاكروا لوحدهم
• العناية بالأطفال الأصغر منهم في الأسرة
• بالإضافة لكل اللى فات، ممكن كمان يجيبوا الخضار من السوق أو الطلبات من السوبرماركت أو تصليح بعض الحاجات البسيطة في البيت ويقعدوا مع الأطفال الرضع والصغيرين.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. انتى لسه شوفتى حاجه ؟

حواديت ماما .. انتى لسه شوفتى حاجه ؟ محاولات تصدير الطاقة السلبية واحدة من أغرب …