10 اقنعه بالبيض للتمتع ببشره نضره وشابه

10 اقنعه بالبيض للتمتع ببشره نضره وشابه

يعتبر البيض منجم جمالي، ومش غذا وبس، لدرجة انك تقدرى تعتمدى عليه علشان ماسك البيض يقدر يدى بشرتك صحة ولمعان فى كل مره.

ودى احسن الماسكات اللي تقدرى تعمليها بالبيض وغيره من مكونات طبيعية:

– ماسك البيض بالعسل: بيدى بشرتك صفاء خاص.سيبيه على وشك ربع ساعة و اشطفيه بالميه الدافيه.قلبى معلقتين كبار من العسل مع بيضة مخفوقة ونقطة من خل التفاح.

– ماسك البيض بالحليب: مثالي لصاحبات البشرة التالفة. سيبيه على وشك لمدة عشر دقايق وبعدين اشطفيه بالميه الدافيه. كل ماعليكى تعمليه انك تقلبى ربع كوب من اللبن مع بيضة مخفوقة وقطرات من خل التفاح.

– ماسك البيض وخل التفاح: هيديكى إطلالة مشرقة ولمعان في بشرتك. اخفقي بيضة مع قطرات من خل التفاح؛ لأن النوع ده من الخل مفيد للبشرة وكمان بيزيل الرائحة الكريهة اللي ممكن يسببها البيض، لكن متزوديش في الكمية علشان ميسببش تهيج بشرتك.

– ماسك البيض وزيت الزيتون: مناسب لصاحبات البشرة الجافة اللي بتحتاج للترطيب. اخفقي بيضة مع معلقتين من زيت الزيتون وقطرات من خل التفاح.

– ماسك البيض بالسكر: هيفيدك في حالة لو عايزه تقشرى بشرتك. افركي وشك بيه برفق واشطفيه بالميه الدافيه. تقدرى تمزجى البيضة المخفوقه و معلقة السكر وتحطى رشة صغيرة من القرفة بدل خل التفاح؛ لأنها بتنشط الدورة الدموية في وشك، كمان بتزيل الرائحة الكريهة للبيض.

– ماسك البيض بالملح: نفس النتيجه،اللى هيا التقشير، بشرط متكونش بشرتك مصابة بالتهيج أو الحساسية. حطى معلقه صغيرة من الملح مع بيضة مخفوقة وقطرات من خل التفاح.

– ماسك البيض مع بيكربونات الصودا: بيعمل على تبييض البشرة ومنحها إشراقة طبيعية. استخدميه كغسول وبعدين اشطفيه بالميه الدافيه ، استخدى نص معلقه صغيرة من بيكربونات الصودا مع البيضة المخفوقة. مش ضرورى تضيفي الخل هنا؛ لأن البيكربونات هتتكفل بأمر الريحة.

– ماسك البيض مع زيت جوز الهند: هيديكى ترطيب فائق ونعومة لافتة في بشرتك. قلبى معلقتين من الزيت ده مع بيضة مخفوقة، ومش محتاج للخل ؛ده غير ان ريحته جميله.

– ماسك البيض مع السكر البني: بالإضافة لخواصه اللافتة في التقشير، بيزيل الترسبات العالقة في مسامات بشرتك من دهون وأدوات تجميل. استخدمي معلقة السكر والبيضة المخفوقة ورشة قرفة.

– ماسك البيض مع اللبن الزبادي: بيدى بشرتك نعومة وإشراقة لافتة و بيفتح لون بشرتك. ضيفي قطرات من خل التفاح، اللي بيساهم في مزيد من التفتيح،على ملعقتين اللبن الزبادي المضاف للبيضة المخفوقة.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

فوائد زيت الزيتون لجمالك

فوائد زيت الزيتون لجمالك زيت الزيتون ياجماعه خطتشييير ومليان فيتامينات ومعادن تخليه من الزيوت اللى …