اسباب نغزات القلب وعلى ماذا تدل ؟

اسباب نغزات القلب وعلى ماذا تدل ؟

امراض القلب بدأت تشكل خطر كبير على ناس كتير فى الوقت الحالى وشهد العصر الحالى زياده ملحوظه فى معدل الاصابه بامراض القلب وصلت لـ 60% ودى زياده مخيفة منقدرش نتهاون بيها ، ومنظمة الصحة العالمية حذرت من زيادة معدلات الاصابه بأمراض القلب وبتأكد على ان التوعية الصحية الجيده وازاى الوقايه من امراض القلب هيا الحل السليم علشان نتجنب المرض ده ، وممكن القلب يتصاب بأمراض ومشكلات صحيه خطيرة وكمان ممكن القلب تجيله اعراض مرضيه تدل على وجود مرض بالقلب واللى لازم نرجع لدكتور متخصص علشان نتأكد من سلامة القلب.

واكتر الاعراض المرضيه اللى بيتصاب بيها الانسان هيا نغزات القلب ، ونغزات القلب عباره عن وجع بيصيب القلب فجأة وبيستمر من لحظات لساعات قليله ومشكلة النغزات دى انها بتكون احساس بس من ناحية المريض ولما يجى الدكتور يفحص المريض باستخدام رسم القلب أو غيره من الاجهزة الخاصة بفحص القلب مبيقدرش يلاحظ النغزات اللى بتصيب القلب او يرصدها ، ونغزات القلب ملهاش علاقة بالسن أو جنس معين لكن اكدت دراسات وابحاث علميه ان النسبة الاكبر من اللى بيتصابوا بنغزات القلب هما الستات وخصوصا فى سن الشباب ولحد دلوقتى متوصلش الاطباء لسبب اصابة الستات للنغزات فى العمر ده بس البعض قال انه بيرجع لوجود بعض الهرمونات النسائيه ، وشدة النغزات القلبية بتختلف على حسب شدة المرض فالنغزات القوية المؤلمة بتدل على مشكلة كبيره بالقلب انما النغزات البسيطة اللى مش بتستمر وقت طويل بتكون مؤشر لمشكلة بسيطة مفيش خطورة منها.

دلالة نغزات القلب :
بتدل نغزات القلب على وجود الكتير من الامراض وخصوصا امراض القلب وفيه امراض قلبيه بيصاحبها نغزات بالقلب بيحس بيها المريض زى أمراض إرتخاء صمام القلب ، ووجود نبضات بطينية أو أذينية زائدة ، أو وجود إضطراب في نظم القلب ،يعنى نغزات القلب تعتبر مؤشر جامد على وجود مشكلة بالقلب .

مخاطر نغزات القلب :
بيقول علماء القلب أن نغزات القلب بتشير لوجود خلل معين أو مشكلة معينه بالقلب ، لكن مثبتوش أي دراسة علمية ان نغزات القلب بتسبب في مضاعفات خطيرة ، فنغزات القلب مبتسببش الموت المفاجئ ولا بتضر بالقلب ، هيا بس مجرد مؤشر على وجود مرض بالقلب .

العلاج :
مشكلة نغزات القلب في حد ذاتها أن مفيش جهاز فحص للقلب يقدر يرصدها أو يشخصها ، لكن يمكن بنفس الأجهزة فحص القلب نفسه لمعرفة لو كان بيه مرض ولا لأ ، وعن علاج النغزات بيقول أطباء القلب أن نغزات القلب بتكون مجرد عرض لمرض بالقلب وملهاش علاج، لكن العلاج الحقيقي بيكون للمرض اللي بتشير النغزات ليه ، وبيقول البعض أن أدوية المهدئات بتساهم في علاج نغزات القلب والمعلومة دى مش صحيحة خالص فالأدوية المهدئة بتضر القلب ضرر كبير والنغزات ممكن علاجها من خلال التغذية السليمة وعدم التعرض للضغوط النفسية والتوتر والإنفعالات العصبية ،وكمان ممارسة الرياضة لانها بتساهم بشكل كبير في الإقلال من نغزات القلب .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …