اسباب وعلاج دوالى الساقين فى الحمل

اسباب وعلاج دوالى الساقين فى الحمل

معظم الستات بتتعرض فى فترة الحمل لأعراض كتير مشهوره وبتختلف شدة الاعراض من ست للتانيه حسب طبيعة الجسم وتأثير الهرمونات عليها طول فترة الحمل.

ودوالى الساقين من اشهر الاعراض اللى بتعانى منها الحوامل بانه بيحصل ورم فى الاوعيه الدمويه تحت طبقة الجلد مباشرةً واللى بيخلى العروق تظهر باللون الازرق.

أسباب دوالى الساقين خلال الحمل :
1. زيادة الوزن وخصوصا مع تقدم مراحل الحمل وكل مايزيد وزن الجنين واللى بيسبب ضغط على الأورده وبيسبب تورمها.
2. الوزن الزايد قبل الحمل ومع وجود جنين اللى بيسبب تقل على الاورده.
3. الوقوف لفترات طويله.
4. زيادة العمر لان كبر سن الحامل بيسبب فى ضعف جدران الاوعيه الدمويه بسبب وجود خلل فى البروتينات.
5. الحمل بيسبب قلة تدفق الدم من الحوض للساقين واللى بيسبب ظهور الدوالى.

طيب ايه هيا طرق الوقايه من المرض ده ؟؟
1. بتجنب الوقوف لفترات طويله من غير حركه وتقعدى كل ماتقدرى.
2. تخشى ترتاحى كل وقت ممكن.
3. تنامى على اى جنب انما الضهر لأ لأن النوم على الجمب بيقلل من تأثير الوزن على الساقين.
4. تغيير اوضاع الجسم وانتى قاعده دايما وبلاش تحطى رجل على رجل لوقت طويل.
5. اتباع نظام غذائي صحي ومتوازن طول الحمل؛ لتجنب زيادة الوزن والتعرض للإصابة بالدوالي بسبب الزيادة دى.
6. ابعدى عن لبس الجزم اللى كعبها عالى، علشان بتسبب ضغط على العضلات وعدم انتظام سريان الدماء بالجسم.

علاج الدوالى :
1. خدى جرعات صحيه من فيتامين هـ لانه ليه تأثير على علاج مشكلة عروق الدوالى وفيتامين هـ موجود فى الأكل زى الطماطم والسبانخ واللوز والكيوي.
2. لبس ملابس داخليه ضاغطه وقبل ماتلبسيها لازم تستخدمى قطعة قماش وتضغطى على الدوالي لصرف الدم المحتقن.
3. اختارى شرابات ضيقه تقدرى تستحمليها ويكون احسن تلبسى الشراب طول النهار وتقدرى تقلعيه بليل.
4. النوم على الضهر وترفعى رجليكى لفوق لمدة نص ساعة.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …