تأثير أمراض القلب على الحمل

تأثير أمراض القلب على الحمل

الستات الحوامل غالبا بيعانوا من اعراض الدوخه أو خفقان القلب بس كل دى تعتبر من ضمن الاعراض الحميده ، والاعراض دى ممكن تكون نتيجة لعدم انتظام ضربات القلب واما انها تكون جديده او بسبب بعض المشاكل اللى انكشفت فى فترة الحمل ، وهقدم ليكى النهارده بعض المعلومات عن امراض القلب اللى ممكن تصيب اى ست حامل علشان تفهمى التغيرات الفسيولوجية والأنواع المختلفة من عدم انتظام ضربات القلب اللى ممكن تحصل فى فترة الحمل وتساعد الدكتور على تحديد لو كنتى محتاجه لتدخلات طبيه ضروريه اكترعلشان يحافظ على حياتك وحياة البيبي.
وبعض الامهات اللى بتكون قلبها سليم قبل الحمل ممكن يتصابوا بمشاكل فى القلب.

1. نفخة قلبية (Heart murmur):
وده صوت مش معتاد للقلب ومبيظهرش ان فى مشكله خلال الحمل لكنه فى حالات نادره بيشير لوجود مشكله فى صمامات القلب.

2. نبضات قلب سريعة أو بطيئة أو غير منتظمة :
عبارة عن خلل فى نظام القلب ودى مشكله تانيه غالبا مش بتحتاج لعلاج خاص.

3. ارتفاع ضغط الدم.

4: أمراض القلب الخلقية :
معظم الستات اللى بيولدوا وهما بيعانوا من عيب فى القلب أو فى الاوعيه الدموية الكبرى يقدروا يجيبوا اطفال معافين وبشكل امن ومع ذلك هتحاجى تقييم قبل الحمل عن طريق دكتور القلب علشان يحدد نوع وشدة العيب علشان يحدد المخاطر اللى ممكن تحصل واللى ممكن ان الحمل يواجهها ، وفى نقطه تانيه كمان لازم نحطها فى الاعتبار وهيا ان الاطفال اللى بيتولدوا وامهم بتعانى بمرض خلقى فى القلب بيكونوا اكتر عرضه لانهم يتولدوا وهما بيعانوا بأى شكل من عيوب القلب.

5. ارتفاع الضغط الرئوي :
مبنصحكيش بالحمل لو كنتى بتعانى من ارتفاع الضغط الرئوى وهو حاله بتسبب ارتفاع شديد للضغط فى داخل الاوعيه الدموية اللى فى الرئه وبيصاحبها خطر كبير للوفاه اثناء الحمل.

6. ضيق الصمام الأورطي :
مشكله تانيه فى القلب بتسبب خطر الى حد كبير لموت الام أو الجنين اثناء الحمل ، المشكلة دى بتمنع الدم اللى بيضخ من القلب انه يدخل للشريان الاورطى.

7. ضيق الشريان الأورطى :
فى الحاله النادره دى بيكون فى ضيق فى قطاع معين من الشريان واللى بيخفض الامداد الدموى للجزء السفلى من الجسم ولو متعالجش بيسبب برضه خطر كبيرعلى الام والجنين.

8. عيوب القلب الزرقية غير المعالجة :
بتسبب تلون الجسم باللون الازرق نتيجة لزيادة الهيموجلوبين المحروم من الأكسجين في الدم وفى بعض الحالات ممكن معالجة المشكله جراحيا وممكن يسمح بالحمل.

9. أمراض القلب الروماتيزمية :
الحاله دى بتحصل بسبب عدوى بالبكتريا العقدية واسمها الحمى الروماتيزمية واللى ممكن تسبب تليف صمام واحد او اكتر من صمامات القلب ، والتليف ده ممكن ميظهرش الا لو حصل المرض الاصلى بسنين ويمنع الصمامات تفتح وتقفل بشكل طبيعى واللى بيعيق تدفق الدم فى معظم الحالات ، وهتقدرى على الخلفه بس هتحتاجى لمتابعة حملك علشان تتأكدى ان قلبك مش مريض اوى.

10. حالات تانيه لمرض القلب عند الحامل :
لو كنتى بتعانى من عدم انتظام ضربات القلب أو مرض فى عضلة القلب أو اى مرض تانى فى القلب فأنتى هتواجهى خطر اكبر لمشاكل القلب وانتى حامل عن اى ست تانيه معافاه من الحالات دى ، ولازم كمان تعرفى ان بعض أدوية القلب مضرة للطفل لأن مضادات التجلط أو الادويه المسيله للدم بتخليكى فى خطر أكبر للأصابة بتجلط الدم وبتكون كمان خطر على الطفل اللى متولدش لسه.
الهيبارين هو مضاد تانى للتجلط بيتاخد عن طريق الحقن وهو امن للاستخدام في حالة مرض القلب عند الحامل، طبقا للجمعية الأمريكية للقلب. علشان كده هو ممكن يكون بديل كويس لو كنتى محتاجه للأدوية اللى زى دى .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 وصفات منزليه للتخلص من السيلوليت

4 وصفات منزليه للتخلص من السيلوليت السيلوليت أو ترهل البشره عباره عن لعنه بتصيب الستات …