طرق لزيادة الطول عند الاطفال

طرق لزيادة الطول عند الاطفال

بيتأثر الطول عند الاطفال بالعامل الوراثى ، لكن فى عوامل تانيه بتأثر عليه لأن نمو الطفل بيبطئ بعد السنه الاولى من حياته وييبقا بشكل طفرات صغيره بتحصل باوقات متباعده ، لكن لما بيوصل لمرحلة المراهقه بتزيد معدلات النمو بشكل كبير وبتوصل عند البنات بين ال 8 لـ 13 سنه انما عند الولاد بين ال 10 لـ 15 سنه.

علشان تتأكد ان ابنك بينمو بشكل طبيعى وزن وطول لازم تتبع بعض العادات اللى ممكن تأثر بشكل او التانى على نمو الطفل بشكل سليم.

عادات يوميه تؤثر على نمو الطفل :

1. النوم المبكر : بيحتاج الطفل للنوم من 10 لـ 12 ساعه بليل لأن جسمه مش هينمو بشكل سليم الا لو خد كميه كفايه من الراحه ، يبقا النوم بدرى هيضمن لابنك دورة نمو طبيعيه وصحيه.

2. النظام الغذائى : بيعزز النظام الغذائى الغنى بالبروتين زى السمك واللحوم من نمو الطفل بشكل صحى ، والدراسات اثبتت ان الاطفال اللى بياخدوا كميه اكبر من البروتين فى اكلهم بيزيد طولهم بشكل ملحوظ ، وكمان بيحتاجوا للكالسيوم والحديد وفيتامين أ لأن اتحاد العناصر دى مع البروتين بيدعمه بشكل كبير لعملية نموه.

3. ممارسة الرياضه : تشجيع الطفل على ممارسة الرياضه بشكل مستمر زى المشى وركوب العجله واى رياضه تانيه بتساعد على نموه بشكل متوازن ده غير انها بتقلل معدل السمنه.

4. زيارة الدكتور بشكل دورى لأن الدكتور بيقيس وزن الطفل وطوله علشان يكتشف بدرى لو كان الطفل بيعانى من اى مشاكل ممكن تقلل من نموه الطبيعى ، وخصوصا لو حاله محتاجه التدخل المباشر للدكتور.

طرق لزيادة الطول :

1. التمدد : ممارسة تمارين التمدد سهله وكمان ممكن لأى حد باختلاف الفئات العمريه ممارسة النوع ده من الرياضه من غير ماتحتاج لجهد ولا وقت طويل ، واسهلها تمارين لمس الاصابع لانها بيساعد على زيادة الطول عند الاطفال ده غير كمان انه تمرين رائع لتمديد العمود الفقرى وتحسين وضعية الجسم.

2. اليوجا : اليوجا هيا واحده من الطرق اللى هتساعد أبنك على انه يكسب الطول اللى محتاجه ، وفى وضعيات مناسبه كتير للأطفال وممكن يمارسها بانتظام وبتزود ممارسة اليوجا من افراز هرمون تحفيز النمو وكمان بتنشط الدوره الدمويه وبتقوى العظام والعضلات ، وكمان تمارين التنفس مهمه بردوا للحصول على نتايج ايجابيه.

3. كرة السله : كرة السله من الرياضات اللى بتحتاج الكتير من النط او القفز ، ولما بيحاول الطفل يوصل للسله فضهره ورجليه والدراع هيتمددوا وده هيساعد على اطالة العمود الفقرى.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. انتى لسه شوفتى حاجه ؟

حواديت ماما .. انتى لسه شوفتى حاجه ؟ محاولات تصدير الطاقة السلبية واحدة من أغرب …