علاج التهاب اللوزتين

علاج التهاب اللوزتين

قبل مانعرف طرق العلاج تعالو نعرف اسباب التهاب اللوز الاول واول الاسباب هو الزكام المتكرر وبداية التعرض لنزلة برد مصحوبه بالعطس والرعشه وارتفاع درجة الحراره مع ورم زاوية الفك تحت الودان سواء فى ناحيه او نحيتين من الوش فى بعض الاحيان وده بيدل على الاصابه بالتهاب الغده النكفيه وده مرض فيروسى بيصيب غدد اللعاب ولازم نشرب سوايل كتير مع غرغرة مطهره ولازم نسرع فى تخفيض درجة الحراره لحد مانتعرض على دكتور.


علاج التهاب اللوز :

1. حشيشة القنفذ الأرجوانيّة بتزود مناعة الجسم ضد الفيروسات والبكتيريا والحشيشه دى بتكون على شكل كبسولات بتتاخد مره الصبح ومره بليل.

2. اخلط عصير اللمون والعسل الصافى على كوبايه ونص من الميه واتغرغر بيه 3 مرات كل يوم.

3. اغلى شوية حلبه فى الميه لمدة 3 دقايق واتغرغر بيها.

4. هات عشبة الردبكيه وكلها لانها بتقوى مناعة الجسم وبتساعد المصاب فى التخلص من البكتيريا والفيروسات اللى بتسبب التهاب اللوز.

5. الثوم مفيد جدا فى علاج التهاب اللوز.

6. الميرميه لأن فيها مواد بتقتل الميكروبات المسببه لالتهاب اللوز.

7. لازم نكتر من أكل الفاكهه الحمضيه لآن فيها فيتامين C اللى بيساعد على علاج البكتيريا المسببه لالتهاب اللوز.

8. التوت الشوكي والطرخشقون والبلسان؛دى كلها أعشاب معالجة لالتهاب اللوز.

9. سخن شرايح بصل تسخين جاف من غير زيت ومن غير ماتصفر الشرايح دى وحطها على مكان اللوز وحولين الرقبه.

10. زيت كبد الحوت لانه بيساعد على التئام الانسجه.

11. فيتامين ج لانه بيستخدم لتقوية جهاز المناعه.

12. استنشاق الزيوت العطرية زى زيت شجرة الشاى والبرغموت، والخزامى، وبخور الجاوي والزعتر.

13. صبغة اليود استخدمها للغرغره.

14. اوراق الفراوله واوراق العليق اغليها فى لتر ميه ساقعه وسيبها تتنقع لمدة 10 دقايق واستخدمها على شكل غرغره.

15. جذور الخطمى اغليها فى لتر ميه لمدة ربع ساعه واستعملها على شكل غرغره.

16. الطين الطبى خد 10 معالق كبيره وقلبه مع ميه فاتره لحد ماتتكون عندك عجينه وحط العجينه دى على حتة شاش بحجم 10×10 وحطها على رقبة المريض وسيبها لمدة ساعتين 3 مرات كل يوم وعلى فكره الطين ده موجود فى الصيدليه.

17. ورق الكرنب الخارجى واللى لونه غامق وبيتحط على الرقبه وتتغير كذا مره فى اليوم لحد مايحس المريض بالدفا او الحراره على الرقبه واوارق الكرنب بتخفف من الوجع وليها مفعول ضد الالتهاب.

18. نبتة الغفث خد 15 جرام من النبته دى وحطها على نص لتر ميه سخنه لمدة 10 دقايق وبعدين صفيها واشرب كوبيتن او تلاته كل يوم.

طبعا دى كلها وصفات متغنيش ابدا عن زيارة الدكتور … ويارب اشفى كل مريض

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اسباب رفة العين وعلاجها

اسباب رفة العين وعلاجها بيعانى كتير من الناس من رفة العين أو تشنج العين أو …