علاج حب الشباب بوصفات طبيعيه

علاج حب الشباب بوصفات طبيعيه

 وصفات لحب الشباب وان شاء الله الكل يستفيد و ياريت الكل يتابع وهتستفيدوا جدا 👌.. نخش بقا فى المهم 👇

طبعا حب الشباب بيسبب أزمه لناس كتير وبس يكون عندنا مشوار مهم او مناسبه نبص نلاقى حبه ظهرت من حبوب الشباب فى اى مكان فى وشنا وده دليل قاطع انها حاجه مش تحت السيطره وممكن فى الحاله دى التصرف الذكى اننا نسيبها فى حالها ونداريها بالميكاب لأن لو حاولنا نشيلها بعنف هتسبب مشاكل أكبر … طيب لو قولتلك ان فى حلول طبيعيه موجوده فى البيت وتقدر تساعدك 💪؟؟ تعالى اقولك عليها … 👇

1. اللمون : اعصرى لمونه طازه وهاتى حتة قطنه صغيره وبليها من عصير اللمون ده وحطيها على الحبه وخشى نامى هتصحى الصبح هتلاقيها اختفت او على الأقل حجمها بقا صغير جدا.

2. التلج : التلج بيخلصنا من الورم والاحمرار أو الالتهاب وتحسين الدوره الدمويه فى الحتت المصابه بالحبوب فى البشره وكمان بيقفل المسام قدام الاوساخ والتراب الموجود فى الجو ومبيخليش حبوب جديده تتكون.

3. بخار الميه : عرضى وشك لبخار الميه علشان تتخلصى من الدهون والاوساخ الموجوده جوه الحبه واشطفى وشك بعد كده بميه فاتره واستعملى كريم مرطب مناسب ليكى.

4. الثوم : اقسمى فص ثوم لنصين ودلكى الحبه بالثوم المقسوم كذا مره فى اليوم وسيبى العصاره بتاعته على وشك لمدة 5 دقايق قبل ماتشطفيه بميه دافيه ومش بس كده حطى الثوم كمان فى أكلك كل يوم علشان تتمتعى ببشره أنقى وصحه أفضل.

5. العسل : هاتى قطنه نضيه وبليها بالعسل وحطيها على الحبوب وسيبيها لمدة نص ساعه وبعدين اشطفيه بميه فاتره وكررى الموضوع ده كذا مره فى اليوم.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

تعرف على 10 معلومات خطيره عن الغده الدرقية

تعرف على 10 معلومات خطيره عن الغده الدرقية بالرغم من ان الاصابه بالغده الدرقيه بيتزايد …