فوائد زبدة الفول السودانى للأطفال

فوائد زبدة الفول السودانى للأطفال

لازم نعرف فى الاول ان الفول السودانى المحمص اصلا ليه فوايد كتير زى انه مثلا مفيد لصحة القلب وبيحمى من الزهايمر وبيساعد على نمو الجسم والعضلات وبيحمى من تكوين الحصى فى المراره وبيساعد فى التخلص من سموم الجسم وبيساعد فى الحمايه من الربو وبيقاوم الاكتئاب.

طيب ايه علاقة زبدة الفول السودانى بصحة الاطفال ؟؟!!

زبدة الفول السودانى فيها البروتين اللى بيساعد فى تطور نمو الاطفال وكمان غنيه بالدهون المفيده لنمو عقلهم وكمان فيها العناصر الاساسيه زى الفيتامينات ومضادات الاكسده اللى بتدعم الجهاز المناعى.

طيب ياترى زبدة الفول السودانى آمنه على الاطفل ؟؟

لو كان ابنك عمره اقل من سنه يبقا مش كويس انك تأكله زبدة الفول السودانى وفيه كمان اطفال عندهم حساسيه للنوع ده من الاكل انما لو كان عمره اكتر من سنتين تقدر تديله منها عادى لان جهازه الهضمى قادر على استيعاب النوع ده وهضمه كويس وتجنب المشاكل اللى ممكن تحصل للرضع اللى أقل من سنه زى الغثيان ، مشكلات التنفس ، الإختناق والإلتهابات.

فوايد زبدة الفول السوداني للأطفال :

الفايدة 1 : زبدة الفول السوداني فيها نوع من المركبات البيوكيميائية اسمها ريسيفاترول ، اللي بيساعد في تقوية الجهاز المناعي وبيحارب بعض الأمراض اللي بتصيب الأطفال .

الفايدة 2 : فيها مضادات الأكسدة اللي بتحمي الأطفال من ضرر الجذور الحرة .

الفايدة 3 : بتعتبر زبدة الفول السوداني من الأكلات اللي فيها العناصر الغذائية المفيدة في تطور مراحل نمو الأطفال ، ومنها الزنك ، الصوديوم ، الفسفور ، الماغنسيوم ، الحديد ، الكالسيوم ، فيتامين ه ، النياسين ، الثيامين ، فيتامين ب6 والريبوفلان .

الفايده 4 : بتساعد زبدة الفول السوداني في تطور النمو العقلي للأطفال ، وده لأنها غنية بالأوميجا 3 .

الفايدة 5 : بيلعب البروتين الموجود ضمن مكونات زبدة الفول السوداني دور مهم في تطور نمو الأطفال ، لانها بتعمل على بناء عضلات صحية قوية ليهم .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

5 طرق لتقديم الحليب لطفلك

5 طرق لتقديم الحليب لطفلك شرب كوباية لبن على الفطار لطفلك ، ممكن يكون مشهد …