مخاطر لوح تقطيع الطعام

مخاطر لوح تقطيع الطعام

لوح التقطيع من أهم الأدوات التي بتستخدميها في مطبخك لما بتحضرى أي نوع من أنواع الاكل، ولأنه بيساعد على إنجاز اللى عايزة تقطيعه من خضار ولحوم وغيرها، علشان كده لازم تهتمي كويس بنضافته، لأن ألواح التقطيع ممكن تكون مصدر للبكتيريا ونقلها من أكل للتانى، باستخدامك نفس لوح التقطيع لأكتر من نوع أكل، هيتحول لوسيلة لنقل البكتيريا والأمراض من غير ماتحسى ، يبقا لازم تكوني على علم بمخاطر لوح التقطيع وطرق تفادي المخاطر دى، وده اللى هنقدمه ليكى فى المقال ده.

مخاطر استخدام لوح التقطيع نفسه لكل الأطعمة:

1. كشف البحث اللى أجراه المجلس الدولي للنضافة أن نحو 40% من حالات التسمم الغذائي سببها عدم الاهتمام بنظافة أدوات المطبخ اللي من ضمنها لوح التقطيع، لإنها بتكون ملوثة ببكتيريا ضارة زى الإيكولاي، زى ما ذكر موقع “ديلي ميل” البريطاني.

2. لازم تعرفى أن اللحوم والخضار تحتوي على بكتيريا الإيكولاي والسالمونيلا وبكتيريا العطيفة، وبالتالي بينقل لوح التقطيع البكتيريا دى لكتير من الأكلات التانيه، وكمان الفراخ النيه مسؤوله عن 60% من انتشار البكتيريا العطيفة فى المطبخ، وتحتوي كمان الخضروات العضوية وغير العضوية على نسبة عالية من الميكروبات بتنتقل معاها من التربة للبيت.

ودى بعض الطرق الآمنة لتفادي الأضرار اللي بيسببها لوح التقطيع:

1. يفضل استخدام ألواح تقطيع مختلفة لللأنواع المختلفة من الأطعمة، ولازم تستخدمي لوحين تقطيع على الأقل، واحد للحوم والأسماك النية، والتانى للخضار والعيش والأكلات اللي مبتحتجش تستوى قبل أكلها، فممكن تشتري ألواح تقطيع بألوان مختلفة علشان تميزى بين استخدام كل نوع.

2. أفضل طرق الحفاظ على نظافة لوح التقطيع هي وضعه في حوض الغسيل وفركه بميه سخنه جدا مع إضافة سائل غسيل الأطباق، وبعدين شطفه وتنشيفه بالمناشف الورقية مش بفوط تنشيف الاطباق، لأنها بتحتوي غالبًا على جراثيم نتيجة ملامستها للأيدين وغيرها من أدوات المطبخ.

3. وللحصول على أفضل النتايج، ممكن تحطى لوح التقطيع في غسالة الأطباق وتستخدمى منظف مناسب، وتبعدى عن استخدام غسالة الأطباق لتنظيف ألواح التقطيع الخشب لأن اللوح ممكن يتعرض للالتواء بسبب درجة الحرارة العالية.

4. احرصي على تعقيم لوح التقطيع مره كل اسبوع كفايه غطسيه في محلول عبارة عن معلقة من مادة تبييض و3 ليترات من الميه، وسيبيه نص ساعة وبعدين اشطفيه كويس، وسيبيه ينششف في الهوا على رف بشكل عمودي، وتقدرى كمان تستخدمي واحد من المكونات المتوفرة في البيت اللى ليها خصائص مضادة للبكتيريا، زى الخل الأبيض لمسح سطح اللوح قبل منسيبه ينشف.

5. اخلصي من الألواح اللي بيها خدوش أو اللى ظهرت عليها أوساخ شديدة، لأنها بتساعد على انتقال البكتيريا بشكل أسرع.

6. احرصي على الفصل بين الألواح، وعدم استخدام لوح تقطيع واحد لجميع أغراض التقطيع، ولما بتستخدمي اللوح لتقطيع الفراخ النيه مثلًا، المعروف باحتوائه على نسبة عالية من السالمونيلا، وبعدين تقطعي اللحمه الحمرا النيه على نفس اللوح، فحرارتها عند طبخها بشكل غير كلي بتعجز عن قتل السالمونيلا، واللى بيهدد بالتسمم، فبكتيريا اللحمه مش بخطورة البكتيريا الموجودة في الفراخ نفسها.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …