10 طرق لتحسين العلاقه السيئه بين الزوجين

10 طرق لتحسين العلاقه السيئه بين الزوجين

من وقت للتانى ممكن تتصاب العلاقه بين الزوجين بشوية فتور أو توتر أو بتسوء لاسباب تانيه كتير زى بعد الطرفين عن بعضهم أو يحصل اخطاء من واحد منهم وميعتذرش عنها أو التراكمات اللى هتوصلنا فى الاخر للأنفجار.

والنهارده هنتكلم عن 10 طرق هتساعد فى اعادة بناء العلاقة الزوجيه من تانى ولازم ناخد فى اعتبارنا ان الخطوه دى لازم تكون بمشاركة الزوجين مع بعض ومش واحد منهم بس.

انا هاوجه الكلام للستات بس طبعا الراجل كمان يقدر يطبق الخطوات دى وبنفس الطرق

1. افتكرى الحاجات الكويسه اللى عند جوزك :
الخطوة الاولى هيا انك تبطلى تتكلمى عن مساوئ جوزك لاى شخص ولما تتكلمى عنه متقوليش غير الحاجات الايجابيه وعن الحاجات اللى بتحبيها فى تصرفاته وبدل ماتركزى فى الحاجات السلبيه حطى قدام عنيكى الايجابيات اكتر.

2. قللى من توقعاتك :
اسهل حاجه انك تحطى قايمه بصفات الزوج المثالى اللى انتى عايزاه ولكن مش منطقى انك تحاولى تحطى جوزك فى القالب ده اللى صنعتيه بنفسك ومش واجب عليكى انك لازم تحبى كل صفات جوزك بس اتعلمى تقبليه كله بمساوئه ومحاسنه.

3. ركزى على تغيير نفسك :
من اهم الاسباب اللى بتدمر الجواز انتظار كل طرف من التانى تحسين العلاقة علشان كده بدل من انك تستنى جوزك انه يقدملك اللى بتحلمى بيه اعملى انتى التغييرات اللى نفسك بيها.

4. عرفى جوزك انك مش هترضى غير بالتغيير :
فى بعض الاوقات علشان تقدرى تعملى التغيير اللى نفسك فيه لازم انك تعلنى عنه بدقه سواء لنفسك أو لجوزك ، حطى الصورة اللى لازم تكون عليها العلاقه بينكم وعرفى جوزك بيها وبأنك مش هترضى بأقل من ده.

5. انسى الماضى :
لو فضلتى تفتكرى المشاكل والاحداث من الماضى يبقا مش هتقدرى تتقدمى نحو المستقبل ، خدى راحة من المناقشات المتكررة فى نفس المواضيع المحبطه اللى قبل كده وبدل من ده كله ركزى على الفترة الحاليه وازاى تحسنى حياتك الزوجيه.

6. اتكلموا عن مشاعركم لبعض :
الكلام عن المشاعر سواء الايجابيه او السلبيه هيا الخطوه الاولى فى تحسين علاقتكم الزوجيه ، وبالطريقه دى هتتخلصوا من اعباء نفسيه قديمه وكمان هتعترفوا بالاحاسيس الحلوة اللى لسه بيحسها كل واحد منكم للتانى اللى نسى ان شريكه لسه محتفظ بيها.

7. ابعدوا عن اللوم :
فى العلاقات الزوجيه السليمه كل واحد بيتحمل مسؤولية افكاره ومشاعره وكلامه علشان كده بدل التعود على لوم كل واحد منكم للتانى بدلوا المشاعر السلبيه دى بمشاعر تانيه ايجابيه وشجعوا بعض على الاعتراف بالغلط من غير قلق من لوم أو عتاب.

8. افتكرى بدايات علاقتكم :
دايما البدايات هيا الاجمل علشان كده لو حسيتى انك مش عارفه ازاى العلاقه وصلت للنقطه دى اوبالضياع افتكرى بداية علاقتكم وازاى كنتوا مع بعض والاسباب اللى خلت كل واحد فيكوا يختار التانى.

9. اتعلموا طرق للتواصل بعد المناقشات والجدال :
من الطبيعى يحصل جدال ومناقشت حاده بين اى زوجين لكن لازم نلاقى طريقه للتواصل والتحدث بصورة طبيعيه بعدها من غير ماتتحول سبب للجفا والمقاطعه وتراكم المشاعر السلبيه.

10. الجئى للمساعده :
فى بعض الاوقات ممكن تحتاج العلاقه الزوجيه لمساعده خارجيه علشان نحسنها سواء كانت المساعده دى هيا دكتور متخصص فى العلاقات الزوجيه أو اى حد من القرايب أو الاصدقاء المهم فى النقطه دى ان المساعده تكون من شخص مقبول ليكوا انتوا الاتنين.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 أكاذيب يقع فيها الأزواج السعداء

10 أكاذيب يقع فيها الأزواج السعداء جوزك بيكدب عليكى ؟؟ 🙄 دايما بتشك الزوجه بان …