8 أشياء يجب معرفتها قبل عملية الليزك

8 أشياء يجب معرفتها قبل عملية الليزك

كل حاجه وليها نهايه ، حتى النضارات الطبيه اللى مرفقاك طول حياتك وطول سنين الدراسه ، يمكن دلوقتى مش هتحتاجها تانى وهتقدر تتحرر منها ودى حاجه تخليك تفكر تتخلى عن النضارات دى اخيرا ، بس في شوية معلومات لازم تعرفها قبل ماتنوى تعمل الليزك …

اول حاجه المعلومات اللى ليها علاقه بالاستعداد لعملية الليزك :

1. انك هتخضع بالاتفاق مع الدكتور لتقييم مبدئى هيحدد لو حالتك تسمح بانك تعمل العمليه أو لأ.

2. هتضطر تتخلى عن عدساتك الاصقه لو كنت بتستخدمها وهتكتفى باستخدام نضارتك الطبيه لحد ماترجع القرنيه لشكلها الطبيعى ، ولو معملتش كده ممكن ده يسبب عواقب كبيره ولازم تتخلى عن عدساتك الاصقه لفترة زمنيه تتراوح مابين اسبوعين لـ اربع اسابيع وده بيرجع لسمك العدسات اللى بتستخدمها.

3. الستات لازم تتوقف عن أى مواد تجميليه وكمان الكريمات واللوشن قبل عملية الليزك بـ 24 ساعه على الاقل.

4. هتضخع لفحوصات كتير ودى حاجه طبيعيه والغرض من الفحوصات دى هو التأكد من استعدادك للخضوع للعمليه دى.

5. متقدريش تعملى عملية الليزك لو كنتى حامل أو كنتى لسه بترضعى أو بتعانى من جفاف شديد فى العين أو بتعانى من أمراض متقدمه فى العين زى الجلوكوما وإعتام حركة العين وغيرها.

ودى معلومات ليها علاقة بعملية الليزك نفسها :

6. ان عينيك مش هتخضع لنفس الاجراء الطبى بالضروره لأن فى حالات بتعانى من مشاكل فى النظر ليها علاقه بالعمر واللى بتحتاج تصحيح النظر بحيث ان عين منهم بتشوف عن قرب والتانيه عن بعد ، علشان كده ممكن تتخلى كمان عن النضارات اللى بتسخدمها فى القرايه.

7. فى اعتقاد منتشر ان لازم تخلى عينيك فى وضع ثابت طول فترة اجراء العمليه ، لكن ده مش صح خالص لأن الدكاتره بيستخدموا تقنيه ثلاثية الابعاد يعنى حتى لو اتحركت عينيك فده مش هيأثر على فاعلية العمليه.

8. لازم هتلبس واقى او نضارات شمسيه أثناء النوم لمده تتراوح مابين 4 لـ 6 أسابيع وده علشان نضمن عدم لمس العين أو حكها.

والمعلومات دى هتساعدك انك تعرف الوقت المناسب لأختيار الوقت المثالى للخضوع للعمليه وانك تاخد جميع الاحتياطات الازمه وكمان تخفيف احساسك بالقلق ناحية الاجراء البسيط ده واللى بتوصل نسبة نجاحه لـ 80%.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …