أهم الاطعمه المفيده لبناء العضلات

أهم الاطعمه المفيده لبناء العضلات

لو كنت من الرجاله دول اللى بيهتموا اوى بعضلات جسمهم وبيدورا على بناء وتضخيم عضلاتهم 💪علشان يظهر بشكل معين يبقا لازم تقرا المقاله دى كويس اوى علشان هتعرف منها بعض انواع الاكل المفيد جدا لتضخيم وبناء العضلات ده غير كمان انه اكل مفيد وغنى بالفيتامينات اللى بيحتاجها الجسم ومش بتسبب اى اضرار بعكس خالص حقن العضلات اللى بيلجأ ليها بعض الرجاله وبتسببلهم اضرار كبيره ، يلا تابعنى واعرف ايه هيا اهم الاكلات المفيده لبناء عضلات الجسم …

أولا: بعض انواع الاسماك ..
اغلبية انواع الاسماك مفيده جدا للرجاله وبتساعدهم على التغلب على الضعف الجنسى ومن اكتر انواع الاسماك اللى بتساعد فى بناء عضلات الراجل وبتغنيه عن المنشطات وحقن العضلات هيا الاسماك الدهنيه زى السردين والسلمون والماكريل لانها من الاسماك اللى فيها نسبه عاليه من البروتين وكميات قليله جدا من الدهون وفى انواع تانيه من السمك فيها احماض وعناصر غذائيه بتساعد الجسم على فقدان الدهون وطبعا انقاص الوزن بشكل صحى ولازم يكون مع بعض التمارين الخاصه لبناء العضلات وهيقدر الراجل بناء عضلاته بشكل صحى بعيد عن اضرار حقن العضلات.

ثانيا: البيض ..
من اكتر الاكل المفيد اللى بيدينا الاحماض والبروتين اللى بنحتاجه لان البيض بيحتوى على اوميجا 3 الدهنيه ونسبه عاليه من البروتين وكمان بيحتوى على 9 انواع من الاحماض الاساسيه اللى بيحتاجها الجسم ده غير كمان انه بيحتوى على فيتامين د والبيض بيعتبر من اكتر الاكل اللى بيساعد على نمو العضلات بشكل صحى وسليم علشان كده اغلبية دكاترة التغذيه بينصحوا الرجاله اللى عايزين ينموا عضلات جسمهم بأكل البيض كل يوم.

ثالثا: زيت الزيتون وبذور عباد الشمس ..
زيت الزتون من الزيوت الصحيه وليه فوايد كتير ومنها انه بيساعد على نمو عضلات الجسم علشان كده بينصح استخدامه فى الاكل بدل الزيت النباتى انما بقا بذور عباد الشمس فهيا كمان غنيه بالبروتينات اللى بتساعد على نمو العضلات.

رابعا: الكركم و الزنجبيل ..
لما تنوى انك تمشى على نظام غذائى مع ممارسة تمارين علشان تبنى عضلات الجسم بنصحك تعتمد على الجنزبيل والكركم لانهم بيساعدوا على نمو وظهور العضلات وكمان ليهم دور مهم فى التخفيف من اوجاع العظام اللى بتحصل بسبب التمارين الرياضيه.

خامسا: الأناناس والفواكه ..
من اكتر الفواكه اللى بيكون ليها فوايد كتير للأنسان وصحته ومهمه جدا لنمو عضلات الجسم ويعتبر اساسى مع التمارين الرياضيه وده لانه غنى بالمعادن والفيتامينات والميه والاملاح اللى بيحتاجها الجسم ده وكمان يقدر على خفض الوزن وتقليل نسبة الدهون فى الجسم والفاكهه بشكل عام فيها مواد مضاده للأكسده اللى بتحافظ على صحة جهاز المناعه وبتدى الجسم الفيتامينات اللى بيحتاجها زى فيتامين سى وكمان فيها الياف بتساعد الجسم انه يتخلص من المواد الضاره المتخزنه جواه.

سادسا: اللحوم الحمراء والدجاج ..
من بين اهم العناصر الغذائيه فى اى نظام صحى اللحوم الحمرا والفراخ لان فيهم بروتينات بتساعد على نمو وتضخيم العضلات لكن لازم نسويهم بطريقه صحيه بمعنى اننا نشيل الدهون من الفراخ او نعتمد على صدور الفراخ.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

فوائد الحجامه للرجال

فوائد الحجامه للرجال للحجامة فوائد عظيمة وكثيرة للرّجال، ومن هذه الفوائد: 1- تقوم الحجامة بتنشيط …