اسباب واعراض وعلاج العمى لدى الاطفال

اسباب واعراض وعلاج العمى لدى الاطفال

ممكن يكون فى اسباب كتيره مختلفه للأصابه بالعمى والاسباب الاكتر انتشار هيا …

1. في مشاكل بصريه اللى ممكن تتطور بعد الولاده فى بعض الحالات زى انه مكملتش نمو اجزاء معينه من العين واللى بتسبب فى مشاكل الرؤيه.
2. فى بعض حالات مشاكل العيون عند الاطفال بتكون بسبب مشاكل فى الدماغ وهيا مشكله فى عملية ارسال المعلومات.
3. وفى حالات تانيه بيكون فى خلل بالعصب البصرى اللى بيقوم بارسال الصور للدماغ او انه متطورش بشكل سليم واللى بيتسبب فى ضعف الرؤيه.
4. ممكن العمى يكون وراثى يعنى لو كان حد من افراد العيله بيعانى من ضعف البصر ممكن يكون ابنك معرض لمخاطر الاصابه بنفس الاضطراب.
5. وممكن العمى يحصل كمان بسبب الحوادث زى دخول جسم غريب فى العين بيتسبب فى الاذى ده.
6. وكمان بعض الامراض زى مرض السكر ممكن يعمل مضاعفات مع العين زى اعتلال الشبكيه السكرى واللى بتسبب اضطرابات بصريه ، وكمان امراض العيون زى اعتام عدسة العين ممكن تسبب رؤيه جزئيه او كامله.

العلامات والاعراض :

1. ان حدقتين العين ميكونوش زى بعض.
2. لو كانت حدقة العين مبتتحركش لما بنحرك اى حاجه ادام الطفل او تحريك وشه.
3. حول العين.
4. انتفاخ العين وارتداد فى الحركات الايقاعيه.
5. لو كانت العيون بترفرف من ناحيه للتانيه او من فوق لتحت.
6. لو العين مش قادره تركز على اى حاجه.
7. انه يمشى يخبط فى اللى قدامه.
8. انه يبعد عن المهمات اللى عايزه منه رؤيه كويسه.
9. انه بيبرق كتير.
10. لما تلاقيه بيقعد قريب اوى من التليفزيون او بيخلى الكتاب قريب اوى من وشه.
11. فرك العينين.

العلاج :

1. لازم تاخد ميعاد مع الدكتور لو لاحظت اى حاجه من العلامات او الاعراض اللى قلنا عليها فوق على ابنك والدكتور هيعمل فحص روتينى علشان يتأكد من صحة العين.
2. لو كان ابنك بيعانى من اى عرض من الاعراض دى الدكتور هيعمل شوية اختبارات للعين علشان يعرف المشكله فين.
3. فى بعض مشاكل العين ممكن لبس النضارات او العدسات الاصقه تساعد ابنك على انه يشوف احسن.
4. فى مشاكل للعين ممكن انها تتعالج بالجراحه .
5. فى بعض الحالات ممكن الاطفال يعانوا من مشاكل فى النظر بسبب سوء التغذيه وممكن نتبع نظام غذائى صحى لانه ممكن يساعد على حل المشكله.
6. ممكن جراحة اعتام عدسة العين ومعاها اشكال معينه من الادويه وقطرات العين تكون خيار كويس لعلاج بعض الاطفال المتضررين.

واخيرا … ممكن ميكنش العمى الجزئى مصدر قلق كبير لمعظم الابهات والامهات وجراحات الليز والنضارات ممكن تساعد على رجوع النظر والرؤيه ، انما فى حالة العمى الكلى ممكن تكون الظروف مش قابله للعلاج العملى وانت كأب محتاج تكون قوى لدعم ابنك لانه محتاج اكتر من الاهتمام.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

مخاطر تقبيل الطفل من فمه

مخاطر تقبيل الطفل من فمه تقبيل الوالدين لطفلهم من اجمل الاحاسيس اللي بيحسوا بيها وبيظهروا …