اشهر مشكلات الشعر الدهنى ووصفات لعلاجها

اشهر مشكلات الشعر الدهنى ووصفات لعلاجها

مشاكل الشعر من اكتر الحاجات اللى ممكن تخلى شكلك غير لائق وخصوصا لو كان شعرك دهنى واللى بيواجه مشاكل كتير واللى بتهدد مظهرك علشان كده جبتلك شوية حلول ووصفات اللى هتخليكى تعرفى تتعاملى كويس مع الشعر الدهنى وتظهرى باحلى شكل.

واكتر مشاكل الشعر الدهنى : ملزق ، بيقع ، صعوبة انه يظهر بشكل حلو او عمل تسريحه مناسبه معاه ، القشره.

ودلوقتى بقا الوصفات :

خل التفاح :
هتجيبى نص كوباية خل التفاح الطبيعى وتحطيه على شوية ميه صغيره وتستخدميه بعد غسيل شعرك بالشامبو على طول يعنى بتشطفيه بخل التفاح ، كدا بيتخلص من الترسبات اللى موجوده على الشعر وكمان بيظهر لمعان ونعومة الشعر بشكل واضح.

اللمون :
ليه فاعليه قويه فى التخلص من الدهون المتراكمه على الشعر علشان كده تقدرى تستخدمى عصير اللمون وتخلطيه بالميه وتغسلى بيه شعرك بعد ماتغسيله بالشامبو.

النعناع :
غسول النعناع للشعر الدهنى من اقوى العلاجات ليه بانك تغلى النعناع وتسيبيه يبرد وبعدين تغسلى شعرك بيه بعد استخدام الشامبو والبلسم وممكن كمان تضيفى الخل للنعناع علشان يدى مفعول اقوى.

زيت الزتون :
زيت الزتون ممتاز فى علاج تقصف الشعر وتساقطه وكمان التخلص من الدهون ومن مشكلة القشره اللى فى فروة الراس ، هتحطى على ايديكى شويه من الزيت وتدلكى فروة الراس بيه بشكل دائرى وده طبعا بعد غسيل الشعر بالشامبو وتسيبى الزيت على الشعر لمدة ساعه وبعدها ممكن تشطفى شعرك بالميه لو عايزه.

ودلوقتى هاقولك على نصايح تحافظى بيها على شعرك الدهنى :

1. ابعدى خالص عن استخدام السيشوار او المكواه لانها بتضعفه وتبوظه.
2. ابعدى عن لبس الطواقى أو الحجاب طول اليوم على شعرك الدهنى لان بكده هيزيد تراكم الزيوت والدهون واللى هيزود مشاكل شعرك.
3. استعملى الفرشه اللى سنانها واسعه لان الفرشه الضيقه هتنقل الدهون من الجذور الى الاطراف.
4. لو كان ضرورى تستعملى السيشوار فحاولى تبعديه عن شعرك شويه مسافه كويسه.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

هل صبغات ومنعمات الشعر تسبب سرطان الثدى ؟

هل صبغات ومنعمات الشعر تسبب سرطان الثدى ؟ كشفت دراسه جديده ان الستات اللى بيتمتعوا …