التخلص من الام الركبه بطرق منزليه فعاله

التخلص من الام الركبه بطرق منزليه فعاله

ايا كان سبب وجع الركبه فانه بيقدر يوقفنا ويقيدنا فى مكان واحد لكن فى طرق طبيعية بتساعد فى علاج الوجع ده بشكل كبير والنهارده هقدملك الطرق السحريه للتخلص من المشكله دى.

1- بذور البقدونس “أجاوين بالهندية” :
البذوردى بتتميز بخصائص مضاده للألتهاب والمخدره ، هنحط شويه صغيره من بذور البقدونس فى ميه دافيه وبعدين نبلل الركبه اللى بتوجعنا بالميه كويس اوى او ممكن نطحن البذور اوى لحد ماتكون معجون ونحطه على مكان الوجع واللى بيسكنها بسرعه.

2- الزنجبيل :
كمان الجنزبيل بيتميز بخصائص مضاده للألتهاب ومسكنه للألم ، هنحط شويه من زيت الجنزبيل على الركبه وندلكها براحه وممكن كمان نستخدم معجون الجنزبيل بدل من الزيت.

3- زيت الاوكاليتوس :
مسكن طبيعى قوى وبيرخى العضلات وبيزود تدفق الدم فى مكان الركبه علشان كده بيقلل الالتهاب والوجع ، هنحط شويه منه على المكان اللى بيوجعنا مع التدليك والعلاج ده بيعتبر افضل الطرق العلاجيه الفعاله لألم الركبه.

4- زيت الكافور :
الزيت ده بيسكن وجع الركبه بشكل فعال وبيتميز كمان بانه ملطف للبشره وبيخفف الوجع ولما بنحطه على المكان بيخدره ويخفف الالم.

5- الكركم :
الكركم من اهم وافضل طرق العلاج الطبيعيه وبيساعد على تخفيف وجع الركبه لانه بيتميز بخصائص مضاده للألتهاب.

6- الملح الإنجليزي :
بنحط الملح ده فى الميه لحد مايدوب وبعدين نبلل الركبه بالميه دى وممكن كمان نسحمى بيها.

7- زيت الزيتون البكر :
مسكن قوى للألام ومضاد للالتهاب وبستخدمه بتدليك المكان المصاب زى الركبه.

8- أوراق الهندباء :
غنيه جدا بفيتامين أ وفيتامين ج علشان كده بتقدر تصلح الانسجه المتهالكه وكمان ليها خصائص مضاده للألتهاب ومسكنه للألام وممكن نعمل شاى من الورق ده او ناكلها مع السلطه.

9- زيت النعناع :
بيعتبر من افضل انواع الزيوت الطبيعيه المسكنه للألام وبيتميز كمان بخصائصه الملطفه والمبرده واللى بيساعد على تسكين وجع الركبه.

10- الزبيب الذهبي :
الزبيب مضاف اليه مادة الكبريتيد اللى بيحطوها عليه لما بيعملوه علشان ياخد اللون الذهبى المميز علشان كده بيخفف الألم اللى سببه المفاصل.

11- كمادات الثلج :
كمادات الثلج بستخدمها لتخفيف الوجع والورم اللى فى الركبه ، بنحط الكمادات على الركبه 20 دقيقه 3 مرات فى اليوم والطريقه دى بتعتبر من اسرع طرق العلاج الطبيعيه لوجع الركبه.

12- البكتين مع عصير العنب :
البكتين بيكون على شكل مسحوق او سائل وبنضيفه على عصير العنب والمشروب ده بيساعد على تخفيف الوجع والالتهاب.

13- الكابساسين :
الماده دى بيطلعوها من الفلفل الحامى وبيستخدموها فى صنع انواع كتيره من كريمات التدليك الطبيه والماده دى بتتميز انها مضاده للألتهاب ومسكنه للألام.

14- ممارسة الرياضة :
الرياضه مهمه جدا للناس اللى بتعانى من خشونة الركبه والام الركبه والتهاب المفاصل ، فالرياضه بتساعد على التحكم فى الوزن وتقوية عضلات المفاصل واللى بيساعد على ليونة وسهولة الحركه.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …