طرق علاج لين العظام عند الاطفال والرضع

طرق علاج لين العظام عند الاطفال والرضع

مرض لين العظام منتشر اوى بين الاطفال والرضع لانه بيتصاب بيه عدد كبير من الاطفال وممكن المرض ده يكون متعلق بالعادات اللى مش صحيه اللى بيعملها اغلبية الناس دلوقتى زى الوجبات السريعه دايما واللى بيفقدهم القيمه الغذائيه اللى بيحتاجها جسم الطفل او الرضيع وكمان قلة التعرض لأشعة الشمس المفيده للجسم واللى بتساعد على تقوية العظام ، ولو قارنا بين زمان ودلوقتى هنلاقى نسبة انتشار مرض لين العظام زمان كان قليل جدا وده بيرجع ان الامهات زمان كانوا بيهتموا بالاكل الغنى بالفيتامينات وبالاخص فيتامين د .

طرق علاج الطفل المصاب بلين العظام ..

ممكن حل اى مشلكة باننا نوصل ونعرف اسبابها
اول حاجه وده السبب الرئيسى ورا اصابة الطفل بلين العظام هوه سوء تغذيته وفقر جسمه بفيتامين (د) يبقا طريقة العلاج هيا اننا نهتم بتغذية الطفل ودايما نديله الاكل الصحى الغنى بفيتامين (د) ونبعد خالص عن الاكل الغير صحى زى الوجبات السريعه.
تانى حاجه حاولى على اد ماتقدرى تعرضى طفلك لاشعة الشمس بس اشعة الشمس المفيده اللى مش هتحرقه وتضره.
تالت حاجه استشيرى الدكتور علشان يوصف لطفلك مكملات غذائية وفيتامينات تساعده على تقوية عظامه وتعويض اللى ناقصه من فيتامين د ولو كانت حالته متاخره هينصحك الدكتور باستخدام جهاز ضم عظام الساقين للاطفال وفى حالات معينه ممكن يضطر الدكتور للتدخل الجراحى.
رابع حاجه ان ممكن الدكتور يعتمد فى العلاج على وصف اعشاب طبيعيه هتساعد الطفل على تقوية عظامه.

اخيرا … من الحاجات المهمه اللى لازم الام تهتم بيها اثناء فترة الرضاعه والحمل هيا الاكل لانها لازم تاكل اكل صحى وتبعد خالص عن الوجبات السريعه واللى مش مغذيه لان اى حاجه بتاكلها من اكل وشرب بتوصل للرضيع من اللبن والرضاعه وحاولى على اد ماتقدرى تعرضى طفلك لاشعة الشمس النافعه حتى لو دقايق كل يوم.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

سمنة الاطفال ، أسبابها ، أضرارها ، كيفية علاجها

سمنة الاطفال ، أسبابها ، أضرارها ، كيفية علاجها سِمنة الأطفال : هي زيادة وزن …