مخاطر تحميص الخبز والبطاطس

مخاطر تحميص الخبز والبطاطس

ناس كتير بيحمصوا العيش وكمان شرايح البطاطس لحد مايكون لونها بنى غامق ، والمتخصصين فى التغذيه بيحذروا من اضرار التحميص ده لانه بيتسبب فى تحويل الاطعمه النشويه ( السكر والاحماض الامينيه والميه ) لمادة الأكريلاميد الخطيره والمسرطنه.

وكمان وصت وكالة معايير الغذاء FSA باتباع تعليمات الطهى بعناية ونتجنب تحويل الأكل للون البنى الغامق ، وكمان دعت الوكاله لعدم الاحتفاظ بالبطاطس والجزر فى التلاجه وده بسبب ان معدلات السكر فى البطاطس بترتفع فى درجات الحراره المنخفضه واللى ممكن تزود كمية الأكريلاميد اللى بتفرزها وقت السوى.

وبتشير الدراسات الغذائيه كمان ان مادة الأكريلاميد موجوده فى أنواع كتيره من الأكل ، والماده دى بتتشكل وقت تسوية الحاجات النشويه على درجة حرارة اكتر من 120 درجه زى العيش وحبوب الفطار والبطاطس والكعك والبسكوت وكمان القهوه.

وبيسبب تحميص العيش والبطاطس وتحويلها للون البنى الغامق لتكوين مادة الأكريلاميد ولحد دلوقتى لسه موضحتش كمية الأكريلاميد اللى بيتحملها جسم الانسان ، بس أعتقد اننا بناكل الماده دى كتير جدا.

وبينت التجارب اللى اجريت على الحيوانات ان مادة الأكريلاميد سامه للحمض النووى وبتسبب السرطان ، ويعتقدالعلماء ان التأثيرات دى لمادة الأكريلاميد على الانسان شبه اللى اظهرته الدراسات على الحيوانات ، وبين الباحثين ان التأثيرات المحتمله للماده دى بتزود احتمالية الاصابه بالسرطان ، والتأثير على الجهاز العصبى والتناسلى ، ولكن التأثيرات دى على البشر بتعتمد على معدلات تعرض الانسان للماده دى.

وبتنصحنا الدراسات على أهميه اننا منبالغش فى تحميص أو قلى أو شوى الأغذيه النشويه زى البطاطس والعيش والخضار اللى ليه جدور ، وانها تكون باللون الاصفر الدهبى ومتتحولش للون البنى الغامق ، وكمان لازم منحفظش البطاطس النيه ف التلاجه ونحفظها فى مكان بارد وضلمه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …