هل يمكن اصابة الطفل بالمرض بعد التطعيم ضده؟

هل يمكن اصابة الطفل بالمرض بعد التطعيم ضده؟

البيبى بيتولد متحصن طبيعى من الفيروسات وعن طريق الرضاعه الطبيعيه فى الشهور الاولى بعد الولاده لكن بيفضل محتاج لتعزيز جهازهم المناعى اكبر من الاعتماد على الرضاعه وبس والتعزيز ده بيكون عن طريق التطعيمات اللى بتنبه الجهاز المناعى للأطفال ضد الفيروس.

وفى المقاله دى هجاوبك على استفسارك بخصوص ياترى ممكن يتصاب الطفل بالمرض بعد ماياخد مناعه ضده ولا بانه ياخد التطعيم ويتصاب بالمرض قبل كده.

اول حاجه ياترى ممكن الطفل يتصاب بالمرض بعد ماياخد التطعيم ؟

1. لما الطفل بياخد التطعيم اللقاح ده بيحرض جسم الطفل على انتاج المواد المناعيه الازمه للتعرف على العامل الممرض ده فى المستقبل بحيث ان الطفل ميتصابش بالمرض ده فى المستقبل لان المواد المناعيه دى بتتعرف بعد كده على العامل الممرض بشكل مبكر وتمنعه ان يحصل المرض والمواد المناعيه دى بنسميها الاجسام المضاده.

2. فى عندنا مجموعه من التطعيمات الاساسيه زى شلل الاطفال والحصبه والدرن اللى بتقدمها مكاتب الصحه اللى تبع الدوله والتطعيمات دى بتقوى جهاز المناعه عن طريق حقن الطفل بشكل خفيف من المرض اللى عايزين نحصنه ضده وبكده بنحفز جهاز المناعه بانتاج اجسام مضاده لمحاربة الفيروسات دى ويتصد ليها ، ولو خد الطفل التطعيمات دى وجرعاتها كامله وفى مواعيدها اللى موجوده فى الجدول اللى مع شهادة الميلاد فمش هيتصاب الطفل بالامراض دى مره تانيه طول سنين حياته ان شاء الله الا فى حالات نادره.

3. وفى مجموعه تانيه من التطعيمات الاضافيه والاختياريه اللى بيحددها الدكتور للأطفال زى الانفلونزا اللى بالرغم ان الطفل بياخد مناعه ضدها من التطعيم فممكن انه يتصاب بيها مره تانيه.

تانى حاجه ياترى ممكن يتصاب الطفل بنفس المرض لو جاله قبل كده؟

ده بيرجع للقدره المناعيه للطفل واللى بتختلف من طفل للتانى ومعظم الاطفال ممكن يصيبهم المرض مره ويتكون عندهم مناعه ضده وميتصابوش بيه مره تانيه حتى لو كانوا قاعدين جمب واحد من الاطفال المصابين بالمرض ده ، وفى عدد قليل من الاطفال ممكن يتصابوا بالمرض مره تانيه بسبب ضعف مناعتهم وفى المره دى ممكن يجى المرض اضعف من المره الاولى.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. انتى لسه شوفتى حاجه ؟

حواديت ماما .. انتى لسه شوفتى حاجه ؟ محاولات تصدير الطاقة السلبية واحدة من أغرب …