أشهر الرجيمات لعام 2017

أشهر الرجيمات لعام 2017

تعالى نبدء السنه الجديده بتحدى انقاص الوزن ، ولازم فى الاول تفهمى جسمك واحتياجاته علشان تكونى واعيه اكتر وانتى بتختارى النظام الغذائى المناسب لجسمك من غير ماتحسى بالحرمان او الجوع لانهم من علامات فشل النظام اللى انتى ماشيه عليه .
اتعرفى على اشهر رجيمات 2017 :
1- رجيم الخضروات والفاكهة:
نظام مناسب لتنظيم ارتفاع ضغط الدم وناخد فى اعتبارنا السن ونشاطك اليومى أد ايه وبعد كده تحددى السعرارت الحرارية اللى محتاجلها ومصادرها فى الاكل.
2- رجيم الأطعمة النيئة:
فى النظام ده ممنوع تاكلى اى أكل محفوظ او مستوى وتعتمدى بس على الخضار والفاكهة والمكسرات والبقوليات زى ماهيا من غير طبخ.
3- رجيم “الخاسر الأكبر”:
الاسم ده متاخد من برنامج تليفزيونى امريكى مشهور واللى حقق شهرة كبيرة ونتايج مبهرة لانة بيعتمد على الاكل الصحى وممارسة الرياضه كل يوم من غير انقطاع وعلشان توصلى للوزن المثالى لازم تشترى الكتاب وكمان تسجلى فى مشاهدة الفيديوهات واللى فى ارشادات يومية لاتباع النظام ده.
4- رجيم “تنظيم الموارد الغذائية والصحية”:
فكرتة انك تعتمدى على الخضار والفاكهه كوجبات كاملة ومع الوقت هيتحول النظام ده لنمط حياة دائم وهو مناسب للناس اللى مش بتحب الرياضه لانه بيحتاج من 10 الى 15 دقيقه من المشى بس كل يوم .

وخليكى فاكرة كمان شوية النصايح دى انك تكترى من شرب الميه وانك تلتزمى بوجبة الفطار وتبعدى خالص عن الاكل بليل واوعى تجوعى نفسك ومتاكليش غير اللى محتاجه جسمك وبس.

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصايح لفقدان الوزن خلال رمضان

نصايح لفقدان الوزن خلال رمضان هقدملك بعض النصايح لاستغلال شهر رمضان فى فقدان الوزن وتنقية …