أضرار تقويم الاسنان

أضرار تقويم الاسنان

طبعا السنان هى اللى بتضيف لينا جمال بس ساعات بيحصل تشوة فى السنان بسبب انها مطلعتش فى مكانها المظبوط واللى بيخلينا نعمل تقويم فى اسنانا علشان نحرك السنان ويعالج مشكلة عدم انتظامها وكمان بيعالج التشوة بسبب العادات الغلط زى مص الصوابع او استخدام السكاته او اللهاية وعلشان تكون السنان اكثر جمال فى انواع كتير من تقويم السنان بتختلف فى الشكل والحجم وفى انواع منها ثابتة بتفضل موجوده طول فترة العلاج وفى انواع تانية خفية ودى الجديده اللى بتتركب فى السنان من جوة والنوع التانى اللى بيتثبت على السنان من قدام ومعدنى وغالبا بيسبب الاحراج للمريض

بس استخدام التقويم ليه اضرار وهيا :

1- بيحصل صعوبة فى نطق الكلام خصوصا عند الاطفال لانه بيكون مش عارف ينطق الكلام صح فممكن يحصل مشاكل فى المستقبل فى نطق الكلمات.

2- بيعمل مشاكل فى اللثة زى الالتهاب والورم والاحساس المستمر بعدم الراحة وساعات بيحصل نزيف فى اللثة.

3- بيكون فى ألم شديد وممكن بسببه نشيل التقويم.

4- مش بنعرف ناكل كويس وبنعتمد بس على السوائل والشوربة والأكل الطرى.

5- فى حالات السنان بترجع تانى للوضع اللى كانت عليه قبل تركيب التقويم.

6- السن بيفقد حيويتة وبيتغير لون السنان بسبب موت العصب واللى بيضر السنان اكتر من الاول.

7- الاجهزة بتساعد على ان الأكل يعلق فيه وبيترتب على كده تغيير لون السنان وتسوسها وكمان بسبب سوء التغذية بتكون معرضى اكتر للتسوس وممكن اننا نتفادى المشكلة دى باننا نهتهم بنظافة الفم بشكل مخصوص ونهتم بالتغذية.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …