اسباب زيادة الدموع وعلاجها

اسباب زيادة الدموع وعلاجها

ناس كتير بتشتكى من زيادة الدموع فى العيون ودى حالة بتفرز فيها العيون دموع كتيرة وليها اسباب كتيرة واهمها :
١. التقدم فى السن :
علشان بيحصل تغييرات كتير فى الجفن علشان عضلات الجفن بترتخى ومبيقدرش الجفن يمسح جميع الدموع من داخل العين.
٢. انسداد قنوات الدمع :
بتنسد قنوات الدمع وبرضه بتكون بسبب التقدم فى السن.
٣. الحساسية :
كتير من الناس عندهم حساسية من البيئة او اى مواد تحيط بيهم زى الاعشاب والتراب والدخان والطقس والقطط والشجر وغيرها.
٤. التهاب الجفن :
التهاب الجفن سببة لوازم العيون ومستحضرات التجميل.
٥. الزكام :
الزكام بيؤدى لكثرة الافرازات فى اعضاء الانف.
٦. البكاء والاستجابة للعواطف طبعا دى اشهر اسباب زيادة الدموع.
٧. جفاف العيون :
اسبابها التهاب العيون والاجسام الغريبة داخل العين وخصوصا العدسات الاصقة.
٨. احتكاك الرموش بالعين وشائعة اوى خصوصا عند كبار السن.
٩. التهاب الملتحمه :
تلتهب الملتحمه بسبب العدوى الفيروسية ويؤدى لاحمرار العين وكثرة الدموه.
١٠. التهاب قناة الدمع :
وبيكون عند الاطفال والمرضى فى كبار السن.

طيب نعمل ايه علشان نلطف من كثرة الدموع :
نبعد عن الحاجات اللى بتسبب الحساسية وناخد الادوية المضادة للحساسية وممكن نعمل عملية تجميليه للحفاظ على الجفون وفتح قنوات الدمع المسدودة وكمان منحاولش نفرك فى العين ونعمل كمادات على الجفون او نحط اكياس شاى مليانة بالمية ونغير انواع مستحضرات التجميل اللى بتسبب كثرة الدموع ونحافظ على نظافة العدسات الاصقة.

#دكتور_مفيد
#روشتة_دوت_كوم
#الدواء_بقى_اونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …