استخدام خلاصة النباتات لتحسين المزاج والصحة البدنية

استخدام خلاصة النباتات لتحسين المزاج والصحة البدنية

العلاج بالعطور بسنتخدمه هوه وخلاصة النباتات فى اوقات كتير وخصوصا لما نحس بتعب فى الجسم او تعب نفسى

والنهارة هعرفكوا ازاى نستفيد من النباتات المختلفة فى علاج الغثيان ولما نحس بضغط من مشاكل حياتنا

كلنا حياتنا مليانة بالمشاغل وعلينا حاجات كتيرة لازم نعملها حتى لو حاسين بالارهاق والتعب مش هنقدر اننا نكسل عن شغلنا او حتى ناخد شوية وقت للراحة

وطبعا الروتين اليومى ده مش بيفيد صحتنا خالص على المدى البعيد او حتى القصير بالعكس بيأذى حياتنا كلها

لازم يكون فى طريقة تخلينا نقدر نكمل ونقدر على اننا نعمل كل شغلنا الصعب وفى نفس الوقت يكون فى راحة واسترخاء علشان نعيد شحن الطاقة

والعلاج بالزيوت الطبيعية المعطرة ممكن يكون هو ابسط حل لعلاج الاحساس بالضغوط دى

فى الشغل بنحس ساعات اننا مش متظبطين ومش كويسين وبنحس بوجع فى المعدة ودوخة خفيفة بيخلى حتى لو الشغل بسيط بنحس اننا هنتسلق جبل

هنا بقا يجى دور خلاصة النباتات …

فى ناس كتير بيلجأو لاستخدام الادوية المختلفة لعلاج الغثيان بس اللى هنتعلمة دلوقتى أحسن طريقة طبيعية وامنه ومش مكلفة خالص

وأهم عنصر فى الليله دى كلها هو الجنزبيل

الجنزبيل ليه تأثير السحر على المعدة .. هنجيب شوية صغيرة من زيت الجنزبيل على ميه سخنه ونسنتشقه بعمق

وكمان ممكن نستخدم الزيت كمرطب للجسم وريحته هتهدى من احساسنا بالغثيان

وممكن كمان نملى البانيو بالمية الدافية ونحط شوية من زيت الجنزبيل وزيت النعناع واتمتع بشوية وقت فى حمامك الدافى مع الاعشاب دى والزيوت الطبيعية

وخلى بالكوا اوعى تشربوا او تحطوا الزيوت دى على الاكل او الشرب لانها مضرة لو استخدمناها كدا.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصائح لتجنب العصبيه فى رمضان

نصائح لتجنب العصبيه فى رمضان كتير مننا بتتملكه العصبيه وقت الصيام فى رمضان واللى بيخليهم …