اكتئاب الاب بعد الولاده

اكتئاب الاب بعد الولاده

المولود الجديد بيقلب حياة ابوه وامه رأسا على عقب فتقريبا كل حاجه حواليك بتتغير وبتبقا جديده وغريبه ، مفيش شك طبعا ان الاطفال متعه وبركه وبيجيبوا الفرح والسعاده للبيت والاهل الا انه بالمقابل لازم الصبر والمعافره وتخصيص الوقت والشغل علشان رعايتهم.

طيب ايه هيا المشاعر اللى ممكن تراود الاب الجديد ؟؟؟

1. علاقته بشريكة حياته تتغير.
2. الروتين اللى اتعود عليه من قبل كده يتغير كمان.
3. ممكن كمان يسيطر عليك انك مش هتقدر على مساعدة مراتك فى عناية المولود الجديد.
4. المعاناه من قلة النوم.
5. زيادة فى المصاريف اليوميه ممكن تشكل عبء نفسى هيا كمان.
6. ممكن تلاقى صعوبه فى انك تحافظ على التوازن المطلوب بين انك تقوم بمهام البيت ومهام الشغل بره البيت.

دلوقتى بقا هنعرف علامات حالة الاكتئاب بعد الولادة :

1. العصبيه الزياده.
2. انعدام الطاقه والنشاط.
3. خلق مشاكل فى الشغل بره البيت.
4. مش قادر تستمتع بوقتك مع مولودك الجديد.
5. مش قادر تستمع بحياتك بشكل عام.
6. احساسك بالغضب من مولودك الجديد.
7. احساسك بالغضب ناحية مراتك وشريكة حياتك.
8. الاحساس الشديد بالوحده.

ودلوقتى هقولك على شوية نصايح بسيطه علشان تقدر تتعامل كويس مع الوضع الجديد :

1. فكر نفسك دايما بنعمة الابوه والحسنات وافتكر السبب اللى خلاك تقرر تجيب طفل واكتب الحسنات منها واقراها فى الاوقات الصعبه.
2. خش نام لان النوم لساعات كافيه عند الاشخاص اللى بيعانوا من الاكتئاب بعد الولاده بشكل خاص هيفيدهم كتير.
3. حسن من قدراتك فى تقديم العنايه لمولودك الجديد لان الاحساس بالمساهمه والقدره على تقديم العنايه لطفلك ورعايته على احسن وجه هتزود من ثقتك بنفسك وشعورك الايجابى.
4. اطلب المساعده فى الوقت المناسب وطلبك ده مش بيدل على ضعف لأ بالعكس بيدل على وعى كبير ومسؤوليه كبيره ناحية نفسك وعيلتك.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصائح لتجنب العصبيه فى رمضان

نصائح لتجنب العصبيه فى رمضان كتير مننا بتتملكه العصبيه وقت الصيام فى رمضان واللى بيخليهم …