انواع حبوب منع الحمل

انواع حبوب منع الحمل

حبوب منع الحمل من اكتر الوسايل المنتشرة لمنع الحمل لانها بتناسب نسبة كبيرة من الستات بس لازم تستشيرى الدكتور بتاعك قبل ماتبدئى استعمال حبوب منع الحمل وكمان لازم تعملى اختبار الحمل قبل ما تبدئى فى استخدامها لانها ممكن تسبب تشوهات للجنين.

أنواع حبوب منع الحمل :
الحبوب بتنقسم لنوعين النوع الاول احادى الهرمون لانة بيحتوى على هرمون البروجسترون فقط، وبيناسب اكتر المرضعات لكنه ضعيف جدا ممكن يحصل حمل وانتى بتاخديه.
اما النوع التانى فهو ثنائى الهرمون لانه بيحتوى على هرموني البروجسترون والإستروجين، والنوع ده ليه شكلين فى السوق ، الشكل الاول اللى الهرومنين موجدين فى نفس القرص والنوع ده بيستخدم لمنع الحمل وتنظيم الدورة الشهرية بس ممكن يسبب زيادة فى الوزن واكتئاب ، اما الشكل التانى الهرمونين موجودين فى قرصين مختلفين فى نفس الشريط والشكل ده بيستخدم اكتر لتنظيم الدورة الشهرية للستات اللى عايزين حمل.

الطريقة الصحيحة لتناول حبوب منع الحمل :
الأقراص اللي بتحتوي على هرموني البروجسترون والإستروجين :
خدى قرص واحد خلاص الخمس ايام الاولى من الدورة ويفضل من اليوم الاول.
لازم تاخديه فى ميعاد ثابت كل يوم لمدة 21 يوم وبعدين اتوقفى لمدة اسبوع وكررية تانى بنفس الطريقة.
الأقراص التي تحتوي على هرمون البروجسترون :
خدى النوع ده بعد 6 اسابيع من الولادة لانك ممكن تاخدى قرص واحد فى الخمس ايام الاولى من الدورة ويفضل من اليوم الاول .
لازم تاخديه فى ميعاد ثابت كل يوم ومن غير توقف .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

صيام الحامل فى الشهور الأولى

صيام الحامل فى الشهور الأولى بتلعب التغذيه فى فترة الحمل دور مهم ، وازاى نتعامل …