باى باى للبرد مع 3 مشروبات ساخنه

باى باى للبرد مع 3 مشروبات ساخنه

فى فصل الشتاء والبرد بيكون كوباية مشروب دافى حاجه ضرورية بس ساعات بنمل من المشروبات التقليديه علشان كدا جهزت ليكوا النهاردة مشروبات سخنة واستمتعى بيها انتى واسرتك :
مشروب الكاكاو بجوز الهند

المقادير :
3 كوبايات لبن خالى الدسم ، علبة متوسطة لبن جوز الهند ، تلت كوب لبن مكسف ، معلقتين كبار كاكاو ، معلقة صغيرة فانيليا ، علبة صغيرة كريمة حلويات.
الطريقة :
اخلطى اللبن ولبن جوز الهند وسيبيهم على نار متوسطه لحد مايغلوا وافضلى قلبى وضيفى الكاكاو وقلبى تانى وشيليه من على النار وضيفى الفانيليا وقلبى كويس بعد كدا حطيه فى الكوبايات وزينية بالكريمه .

مشروب الشاي بالقرفة و الرمان

المقادير
نص كوباية ميه ، نص كوباية سكر ، 3 حبات قرنفل ، 3 اعواد قرفة خشب ، حبة ينسون نجمى ، 4 اكياس شاى احمر ، كوباية عصير رمان ، ربع كوباية عصير لمون ، شرايح لمون واعواد قرفه للتزيين .
الطريقة :
اخلطى الميه والسكر والقرنفل والينسون وسيبيهم يغلوا على النار وقلبى كويس علشان السكر يدوب وسيبى الخليط يغلى على النار دقيقه كمان بعد كده شيليه من على النار وصفيه ورجعى السائل ده فى الحله تانى وضيفى اكياس الشاى وانقيعها فيه لمدة 10 دقايق وبعدين شيلى الاكياس وضيفى عصير الرمان وعصير اللمون ورجعى السائل تانى للنار لحد مايغلى وحطى المشروب فى الكوبايات وزينية بشرايح اللمون واعواد القرفة .

مشروب التوفي بالفانيليا
المقادير:
3 كوبايات كريمة ، تلت تربع كوب توفى بطعم الفانيليا ، عود قرفة ، رشة جوزة الطيب ، معلقه صغيرة فانيليا ، ربع معلقة صغيرة مستخلص لوز ، قرفة بودر للتزيين .
الطريقة :
قلبى ربع كوباية كريمه مع التوفى وعود القرفة وجوزة الطيب فى طبق متوسط الحجم وحطيه على النار لحد ماالتوفى يدوب خالص وبعدين شيلى عود القرفة وضيفى الباقى من الكريمة وقلبى كويس عللى النار وشيليها من على النار بعد ماتتأكدى انها غليت كويس وضيفى الفانيليا ومستخلص اللوز وصبى المشروب فى كوبايات وزينيها بقطع توفى ورشة قرفة بودر .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

5 فوائد لاتعرفها عن البطيخ

5 فوائد لاتعرفها عن البطيخ يحتوى البطيخ على كميه كبيره من الفيتامينات والمعادن وكمان غنى …