حياتك أفضل بنوم سليم

حياتك أفضل بنوم سليم

بتحس انك عملت انجاز لما بتسيب سريرك الصبح بدرى وروحت شغلك فى معادك …
بيكون السبب فى ده عدم انتظام نومك والسهر بليل …

ليك شوية طرق هتساعدك على النوم المنتظم :

1. تناول العشا بدرى شوية :
انك تكون نشيط الصبح بدرى مش أمر سهل لازم عليك تغير نظام اليوم كله
ومن اهم العادات اللى لازم تحافظ عليها لو كنت عايز تصحى الساعة 6 الصبح على رأى حسين الجسمى هيا انك تتعشى الساعه 8 بليل …
ده هيخلى عندك ساعتين تهضم الاكل بشكل كويس قبل النوم.

2. شرب شاى الاعشاب بدل من القهوة :
ممكن تشرب فنجان قهوة زى ماانت عايز الصبح لكن اتجنب شرب المشاريب المنبهه بعد الساعه 3 العصر علشان متلاقيش صعوبة فى النوم بدرى …
وبدل مشروباتك الليليه بشاى الاعشاب او كوباية لبن دافى اللى هيمهدك للنوم بسهولة.

3. اقرا كتاب بدل الفرجة على التليفزيون :
فى نهاية اليوم بتحس انك محتاج تعمل حاجه مسلية وغير مجهدة فتقوم تتفرج على التليفزيون مسلسل وبعدية برنامج شيق وبعدية فيلم روعة وتلاقى الساعه بقت واحدة بعد نص الليل …
قراية كتاب مسلى هيديك فوايد كتير ومتعه وبجانب ده ان القراية بليل على اضواء خفيفة هتحفزك للنوم.

4. غير مكان المنبة :
كل يوم حط المنبه فى مكان مختلف فى الاوضة ده هيخليك تفكر وتفتكر مكانه وبكده هتصحى نشيط.

واخيرا … متخليش حماسك يحسسك بانك قادر على تغيير نمط نومك فى ليله واحدة لان ده محتاج ايام وصبر علشان توصل للى انت عايزة.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اكتئاب الاب بعد الولاده

اكتئاب الاب بعد الولاده المولود الجديد بيقلب حياة ابوه وامه رأسا على عقب فتقريبا كل …