عوامل ضعف الرغبه الجنسيه وطرق العلاج

عوامل ضعف الرغبه الجنسيه وطرق العلاج

فى أمور كتيرة بتأثر على العلاقة الجنسية وعلى الرغبة الجنسية ، ايه هيا اسباب ضعف الرغبة الجنسية ؟ وايه العوامل اللى بتضعف الرغبة الجنسية ؟ وازاى نقدر نعالجها ؟

1. الضغط النفسى :
للضغط النفسى تأثير كبير على الرغبه الجنسيه وممكن يضعفها جدا واسباب الضغط النفسى كتيره زى الشغل والمشاكل الماديه والامراض والمشاكل الصحيه وفى الحاله دى لازم تستشيروا دكتور او اخصائى نفسى.

2. المشروبات الكحوليه :
القليل من المشروبات الكحوليه بتشيل الحاجز قدام العلاقه الجنسيه وممكن تزود الرغبه الجنسيه بس تناول الكتير من المشروبات الكحوليه بيقلل من الرغبه الجنسيه بشكل ملحوظ.

3. قلة النوم :
لو عندكوا احساس قلة الرغبه الجنسيه ممكن يكون السبب هو قلة النوم وممكن يكون سبب قلة النوم مرضى زى الارق وبغض النظر عن سبب قلة النوم فان ده بيوصل لفقدان الرغبه الجنسيه لان قلة النوم بتسبب التعب والارهاق دايما.

4. الابوه والامومه :
الابوه والامومه ممكن تقتل الرغبه الجنسيه!!! وممكن يكون السبب قلة الوقت للجنس او قلة الخصوصيه لان الولاد موجودين دايما جوه البيت او حتى كمان التعب المستمر والارهاق بسبب القيام بالواجبات المنزليه.

5. الأدويه :
فى ادويه كتيره ليها تأثير على الرغبه الجنسيه وبتضعفها ومن اهمها الادويه المضاده للأكتئاب ، الادوية المستخدمه لعلاج ضغط الدم المرتفع ، العلاج الكيميائى لعلاج امراض السرطان ، الادويه لعلاج فيروس عوز المناعه البشرى ، دواء علاج الصلع عند الرجاله ، والأدويه المسكنه للألم ، بعض حبوب منع الحمل.

6. المظهر الخارجى :
المظهر والشكل ليهم دور مهم فى قوة الرغبه الجنسيه وممكن اهمال المظهر الخارجى يضعف الرغبه الجنسيه وبيكون عامل نفسى زى مثلا السمنه او النحافه الشديده هيرسم صوره سيئه فى اذهانكم عن مظهركم الخارجى.

7. السمنه والوزن الزائد :
بغض النظر ان السمنه هتسوء مظهركم الخارجى وتضعف رغبتكم الجنسيه فان السمنه بترتبط بفقدان الرغبه الجنسيه والمتعه الجنسيه وحتى كمان صعوبات القيام بالجنس ، والسمنه بتأثر على افرازات الهرمونات الجنسيه والعامل الاجتماعى وحتى العامل النفسى وبتعتبر من اهم اسباب ضعف الرغبه الجنسيه.

8. ضعف الانتصاب :
الرجاله اللى بيشتكى من ضعف الانتصاب بتضعف الرغبه الجنسيه بيرجع السبب ان الراجل بيقلق من انه ميقدرش يقوم بالجنس والقلق والعامل النفسى الموجود بسبب ضعف الانتصاب هو السبب فى ضعف الرغبه الجنسيه.

9. قلة الهرمونات الجنسيه :
عند التقدم فى السن فان نسبة التوستسترون بتنخفض فى الجسم فى كتير من الرجاله وانخفاضه بيؤدى لضعف الرغبه الجنسيه وكمان عند الستات الهرمون ده هو المسئول عن الرغبه الجنسيه وانخفاضة عند التقدم فى السن هيوصلنا لضعف الرغبه الجنسيه.

10. الاكتئاب :
ممكن كمان الاكتئاب يكون هوه السبب فى ضعف الرغبه الجنسيه لانه من الامراض الصعبه وبيأثر على كتير من جوانب الحياه ومنها الجانب الجنسى وبالرغم من ان الاكتئاب مرض صعب الا انه ممكن علاجه.

11. انقطاع الحيض :
فى ستات كتير بتعقتد انها ممكن تستمر فى الجنس بعد انقطاع الدوره بشكل محبذ ، الا ان انقطاع الدوره هو سبب اساسى لضعف الرغبه الجنسيه ، واعراض انقطاع الحيض بتكون جفاف المهبل والألم خلال الجنس وضعف الرغبه الجنسيه وطبعا ممكن نعالج اعراض انقطاع الحيض بالهرمونات.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

كيف تجعلى زواجك ناجح بعد الانجاب؟

كيف تجعلى زواجك ناجح بعد الانجاب؟ ممكن تنشغل الست عن جوزها بعد ماتخلف وخصوصا لو …