فوائد العسل الطبيه ، وهل هو غذاء أم دواء؟

فوائد العسل الطبيه ، وهل هو غذاء أم دواء؟

مين فينا مبيحبش طعم السائل الذهبى اللى هوه العسل الطبيعى والانسان عرف العسل من زمان اوى وكان بياكل منه ويستعمله كمان دواء

وعلى كل حال فان العسل ذكر فى القران الكريم فى سورة النحل
(يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ إِنَّ فِي ذَلِكَ لَآَيَةً لِقَوْمٍ يَتَفَكَّرُونَ)

ويقول الرسول صلى الله عليه سلم: (عليكم بالشفائين العسل والقرآن)

طيب العسل بيتكون من ايه ؟؟

المركب الغذائى الاساسى اللى موجود فى العسل هو النشويات/الكربوهيدرات/السكريات واساسا الفروكتوز والجلوكوز منها. وكمان القليل من البروتينات, الانزيمات, حوامض الأمين , المعادن والفيتامينات .
والمكون اللى ليه قيمة عاليه جدا فى العسل هوه الكولين واتستيل كولين واللى ليه اهميه كبيرة فى العمل السليم لجهاز القلب والدماغ وكمان اهمية فى اعادة بناء خلية الجسم
والاتستيل كولين بيعمل كناقل عصبى

مُضادُّ المِكروبات/ مُضادُّ الفيروسات/ مضاد الطفيليات :

العسل ليه قدرة على طمث تطور الكائنات الحيه الصغيرة المضرة والفطر كمان والمكونات المضادة للمكروبات والفيروسات اللى بيتميز بيها العسل ممكن تبوظ فى درجات حرارة عاليه وعلشان توصل للتأثر الطبى والعلاجى للعسل لازم تحافظ عليه فى مكان بارد وناشف وياريت كمان لو كلنا منه وهوه طازه

التأثير المضاد للأكسدة :

الابحاث اثبتت وجود مواد مضادة للأكسدة فى العسل زى الفلافونيدات والحامض العضوى وبوليفينولات وغيرها بكده العسل بيمتص الجذر الحر وعلشان كده بيحمى الجسم من المواد المؤكسدة
والناس اللى اخدت العسل كل يوم عندها ارتفاع فى المواد مضادة للأكسدة فى جسمها اكتر من الناس اللى مش بياكلوا العسل.

التأثير المضاد للألتهاب :

الابحاث كمان اثبتت ان المؤشرات البيولوجية المتعلقة بالالتهاب نزلت وانخفضت بعد تناول العسل.

العسل والاسنان :

العسل مش بيضر السنان بنفس الضرر اللى بيسببة اى نوع سكر تانى وده بيرجع لمكونات العسل زى الكالسيوم والمغنسيوم وكمان خاصية محاربة الجراثيم هيا المسؤولة عن النتيجه الايجابيه دى بس فى كل حال لازم نغسل سنانا ونفركها كويس بعد كل مرة ناكل فيها العسل.

العسل وجهاز الهضم :

ورد بالحديث الشريف في كتاب البخاري قول للنبي صلى الله عليه وسلم, ينصح المؤمنين استعمال العسل لعلاج نوبات الاسهال.

والابحاث بتشير ان العسل ساهم فى تخفيف قرحة المعدة وده بيرجع لان العسل فى خاصية محاربة المواد المؤكسدة.
والعسل اصلا كويس بشكل عام لجهاز الهضم بسبب وجود مادة قليل السكاريد فيه وهيا عبارة عن نوع من السكر اللى بيساهم فى نمو البكتيريا المهمه والمفيدة للجسم وبالطريقة دى بيحسن عمل جهاز الهضم.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اهمية الاستحمام فى نهار رمضان

اهمية الاستحمام فى نهار رمضان قد يلجأ العديد إلى الاستحمام في نهار فصل الصيف على …