كيف تجعلى زواجك ناجح بعد الانجاب؟

كيف تجعلى زواجك ناجح بعد الانجاب؟

ممكن تنشغل الست عن جوزها بعد ماتخلف وخصوصا لو كانت أم لاول مرة وهنا هايحس الزوج بالاهمال من مراتة وتبدأ المشاكل تظهر علشان كده لازم حبيبتى تعرفى ان جوزك محتاج رعايه واهتمام هوه كمان.
علشان كده هاقولك النهاردة على شوية طرق بسيطه اللى هتساعدك على الحفاظ بعلاقتك بجوزك بعد الخلفة :
1. نظمى وقت نوم ابنك :
تقدرى تنظمى وقت نوم ابنك علشان تقدرى تقضى شوية وقت مع جوزك لما يرجع من الشغل وتتكلموا وتتفاهموا مع بعض بخصوص الوضع الجديد.
2. مارسى معاه بعض الانشطه البسيطه :
شاركيه فى حاجات بسيطه زى انك تتفرجى معاه على التليفزيون او تتكلمى معاه فى اللى بيحبه.
3. عبرى عن مشاعرك :
اهتمى دايما بانك تعبرى عن مشاعر الحب ناحية جوزك عن طريق التقبيل والاحضان علشان يحس انك دايما جنبه .
4. ابعتيلة دايما الرسايل النصيه :
تقدرى تبعتيله رسايل نصيه وهو فى الشغل وتعرفيه اد ايه هو وحشك وانك مستنياه يرجع البيت بسرعه علشان يحس انك بتفكرى فيه دايما .
5 . حضرى عشاء رومانسى :
فاجئى جوزك وجهزى عشاء رومانسى وافتكرى معاه احلى اللحظات اللى قضيتوها مع بعض هايحس كده انك لسه قريبه منه .
6. ابعدى عن الخلافات :
ابعدى خالص عن افتعال المشاكل فى الفترة دى وخليكى لطيفه وحاولى تستمعى انتى وجوزك بوقتكم.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 طرق لتجنب الخلافات الزوجيه بدون سبب

10 طرق لتجنب الخلافات الزوجيه بدون سبب الخلافات أمر طبيعى بين اى زوجين وممكن تكون …