10 وصفات لعلاج انخفاض ضغط الدم

10 وصفات لعلاج انخفاض ضغط الدم

الناس اللى وزنهم مثالى وعندهم لياقة بدنية جيدة بشكل عام عندهم قراءات ضغط أقل من المعدل الطبيعى ومع ذلك فدة ميعتبرش ظاهرة غير صحية خاصة لو متوافتش مع أعراض انخفاض ضغط الدم.
واعراضة الدوخة والاغماء والتعب والغثيان وصعوبة ف التنفس وعدم وضوح الرؤية والخفقان والبرد وتعرق الجلد .
العلاجات المنزليه لانخفاض ضغط الدم :
١. اشرب الماء المالح :
الصوديوم الموجود فى الملح بيزود ضغط الدم ووجودة فى الميه بيسرع من امتصاصه بس متكترش من استعماله .
٢. تناول القهوة :
شرب فنجان قهوة مركزة او شكولاته سخنه او اى مشروب فيه كافيين بيزود ضغط الدم بشكل مؤقت واشرب كوباية من القهوة الصبح ومع كل وجبة بس متخلهاش عادة .
٣. تناول وجبات صغيرة :
أكل وجبات صغيرة الكربوهيدرات فيها منخفضة بيساعد فى منع ضغط الدم من الانخفاض بشكل مفاجئ بعد وجبات الاكل وابعد خالص عن البطاطس والرز والمكرونة والعيش .
٤. الزبيب :
انقع شوية زبيب فى كوباية ميه طول الليل وتناولة كله الصبح على الريق وممكن كمان تشرب الميه اللى نقعته فيها .
٥. عرق السوس :
انقع معلقة عرق سوس فى كوباية ميه مغلية خمس دقايق وبعدين اشرب منه كل يوم لمدة كام يوم .
٦. اللوز والحليب :
انقع ٦ لوزات فى ميه طول الليل والصبح قشرها وبعدين اطحنها لحد ماتكون عجينة ناعمه وبعدين اغليها فى كوباية لبن واشربة كل يوم الصبح .
٧. عصير الجزر :
كوباية عصير جذر وقلب معاه معلقتين عسل واشربة مرتين كل يوم الصبح على الريق وبليل.
٨. عصير اللمون :
هنقلب شوية عصير لمون مع شوية ملح صغيرين وسكر وممكن كمان عصير قصب السكر مع معلقة صغيرة عصير لمون وملح مفيد برضة.
٩. الروزمارى :
هنشربها مع ميه دافيه كل يوم وكمان ممكن نضيفها على الأكل .
١٠. تحرك ببطئ عند تغيير الوضعية :
لما تتحرك ببطئ لما تيجى تغير الوضعيه جسمك ده بيقلل الدوخه والدوران اللى بيحصلوا مع انخفاض ضغط الدم المفاجئ مثلا قبل ماتقوم من السرير الصبح اتنفس بعمق لدقايق وبعدين اقعد ببطئ قبل ماتقف.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أمراض الكلى والصيام فى رمضان

أمراض الكلى والصيام فى رمضان على مريض الكلى في رمضان مراعاة حالته الصحية واستشارة الطبيب …