5 أفكار لهدايا الفلانتين لزوجك

5 أفكار لهدايا الفلانتين لزوجك

عيد الحب هيجى بعد ايام قليلة وممكن جوزك مايخدش باله من الموضوع ده بس لو كنتى عايزة تجددى الحب بينكم بهدية جميلة مع كارت رومانسى لجوزك ، دلوقتى أنا جبت ليكى 5 افكار تجنن ومناسبة كهدية لجوزك فى اليوم المميز ده.

لو كنتى عايزة تحتفلى بعيد الحب مع جوزك ومحتارة فى اختيار الهدية المناسبة ليه اعرفى ان معظم الرجاله بيعشقوا الهدايا العملية علشان كده ابعدى عن االبالونات والدباديب اللى بتلمع والورود وكفاية اوى الشموع والبرفان الجذاب مع عشا مميز لليلة حب رومانسية على طريقة جوزك.

تعالى نخش على الهدايا :

1. أسطوانات DVD :
عارفة ايه هو الفيلم اللى بيحبة؟ فاجئى جوزك بانك تجيبى مجموعة كاملة من أسطوانات DVD عليها برنامجه التلفزيوني المفضل أو مجموعة من الأفلام المفضلة ليه وتقدرى تعرفى ده بسهولة بانك تلاحظى الحاجات المتكررة اللى بيتفرج عليها من الافلام والبرامج وفى كلامك معاه او وسائل التواصل الاجتماعى.

2. هدايا شخصية:
الساعات والجزم فى العادة بتكون الاختيار المثالى للرجاله ممكن تضيفى ساعة جميلة لمجموعته الثمينة لوكان بيحب الساعات مثلا او لو كان محتاج يشترى جزمة جديدة.

3. الملابس:
قميص او بنطلون او لبس بيت من الحاجات المفضلة لجوزك وهتكون هدية عمليه بالنسبة ليه وخصوصا فى موسم التخفيضات دلوقتى.

4. اﻹلكترونيات:
مول الكمبيوتر بالنسبه لرجاله كتير هو الجنه بحد ذاتها ! لانه بيروح ويتسوق لكل الجديد فى عالم الالكترونيات زى الكمبيوتر والموبايلات واحدث اجهزة وادوات جديدة.

5. هدايا رياضية:
لو كان جوزك من عشاق الرياضة بشكل عام ومش بس الفرجة على القنوات والبرامج الرياضية ممكن انك تجيبى ليه هدية رياضية وهتكون فكرة حلوة اوى زى مثلا جزمه جديدة لممارسة الرياضة او شنطة جديدة للجيم او تيشيرت فريقة المفضل او اشتراك فى واحدة من باقات القنوات الرياضية اللى بيحبها.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 أكاذيب يقع فيها الأزواج السعداء

10 أكاذيب يقع فيها الأزواج السعداء جوزك بيكدب عليكى ؟؟ 🙄 دايما بتشك الزوجه بان …