5 علاجات طبيعيه لتذويب البلغم

5 علاجات طبيعيه لتذويب البلغم

لما بيجى فصل الشتا بعتبر نفسى فى موسم نزلات البرد والانفلونزا اللى بتتكرر كذا مرة واللى متخلاش طبعا من الرشح والكحة اللى معاها بلغم اللى بيدى احساس مش مريح خالص فى الزور وكمان مفيش نفس للأكل والسعال الجامد اللى بعتبرة رد فعل طبيعى لطرد البلغم بره الجسم علشان ميسببش مضاعفات خطيرة.

وبجانب الادوية اللى هيوصفها ليك الدكتور فى كمان وصفات طبيعية من البيت وآمنة لتذويب البلغم وممكن تاخدها وانت فى البيت :

1. خلطة من الاعشاب الطبيعية :
قلب معلقة صغيرة من القرفة والقرنفل والجنزبيل فى كوباية ميه مغلية واقلبة كويس اوى وبعدين صفية وحط عليه معلقة عسل نحل وخد منه كل يوم لحد مااعراض السعال تختفى والبلغم يختفى خالص.

2. شوربة الفراخ باللمون :
شرب الميه والسوايل الدافية بشكل عام يعتبر من العلاج السحرى للبلغم لانها بتساعد فى تدويبة وخروجة عن طريق المخاط اللى فى الانف بالاضافه كمان انها بتزود مناعة الجسم ضد امراض الشتا وبتدفى الجسم كويس وبتديلة الفيتامينات الازمة.

3. ورق الجوافة المغلى :
جربت فى مرة تقرا مكونات دوا الكحة المخصوص لعلاج البلغم؟ هتلاقى ان من مكوناته الطبيعية ورق الجوافة لمفعولها السحرى فى تجفيف البلغم وعلاج السعال فى اسرع وقت ومن حسن الحظ ان ورق الجوافة موجود دايما عند العطار وفى السوبر ماركت هتشتريها وهتغليها مع شوية ميه وتشربها 3 مرات كل يوم وهتلاقى ان حالتك اتحسنت كتير فى خلال يومين على الاقل.

4. عصير الجزر :
الجزر ليه فوايد اصلا فى تقوية المناعة ومحاربة نزلات البرد فهو علاج روعة فى تهدية الكحة وبينقى الصدر من البلغم ، اعمل عصير الجزر بالميه وحلية بالعسل واشرب منه طول اليوم.

5. التوابل الصحية :
لو كنت بتحب التوابل زى الفلفل الاسود والكمون والفلفل الابيض والكركم فممكن تضيفها للأكل حالا لانه علاج فعال فى تخفيف البلغم خالص.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أمراض الكلى والصيام فى رمضان

أمراض الكلى والصيام فى رمضان على مريض الكلى في رمضان مراعاة حالته الصحية واستشارة الطبيب …