اضرار استخدام الاوانى المطليه بالتفلون المانع للالتصاق

اضرار استخدام الاوانى المطليه بالتفلون المانع للالتصاق

كتير اوى من الاطباء حذروا من المخاطر الصحيه اللى ممكن تيجى من استخدام الحلل والطاسات أو اى منتجات مطليه بمادة التفلون وهيا الماده اللى بتمنع الالتصاق واللى بتبطن الحلل والطاسات دى من جوه وبتمنع التصاق الاكل فيها.

منظمه بيئيه امريكيه مهتمه بسلامة منتجات المستهلكين قالت ان حلل التفلون واللى زيها بتسخن لدرجة حراره بتوصل لـ 370 مئويه فى دقيقتين او تلاته ، وده بيسبب انطلاق 15 نوع من الغازات والمركباتالسامه من مادة التفلون ، من ضمنها مواد مسببه للسرطان ، وذكرت وكالة رويترز ان المنظمه لفتت الانتباه فى دراستها ان الماده دى بتخرج مواد سامه بتسبب هلاك الطيور عند تسخين التفلون بأدنى درجة حراره 240 مئويه وبسبب الخطر ده على الطيور ممكن يكون كمان على الانسان ، وبتطالب المنظمه بوضع علامات تحذير من المخاطر الصحيه للتفلون.

وكمان قالوا الباحثين ان البخار اللى خارج من التفلون والمواد الكيميائيه التانيه المانعه للألتصاق اللى زيها ، ممكن تسبب ظهور اعراض شبه الاصابه بالانفلونزا زى الحمى وصعوبة التنفس وهيا دى الاعراض اللى اسمها حمى ادخنة البوليميرات.

ودراسات تانيه كتير اشارت لأهمية عدم استخدام الحلل والطاسات المطليه بالتفلون واللى ظهرت عليها خدوش واللى انكشفت الماده الداخليه فيها واللى بتسبب فى خروج غازات سامه بسبب الحراره العاليه اللى بتتعرض ليها.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اهمية الاستحمام فى نهار رمضان

اهمية الاستحمام فى نهار رمضان قد يلجأ العديد إلى الاستحمام في نهار فصل الصيف على …