الوقايه من هشاشة العظام

الوقايه من هشاشة العظام

الوقاية ثم الوقاية هي الطريقة الوحيدة لتجنب هشاشة العظام ، عندنا فى الطبيعة اغذية غنية جدا بالمعادن والفيتامينات المفيدة للوقاية من هشاشة العظام ياترى ايه هيا:
1. الكالسيوم:
هو من أهم وأشهر المعادن المكونة والمقوية للعظام ، واللى بينصح بيها الأطباء الأم خلال فترة الحمل ، بتناول الكالسيوم من مصادره الطبيعية ، زى االلبن ومشتقاته والخضار زى السبانخ والبقول زى الترمس .
2. فيتامين د :
بيلعب دورمهم في ترسيب وتثبيت الكالسيوم في العظام ، والمصدر الطبيعي لفيتامين د هوه الشمس ، وموجود كمان في اللبن وزيت السمك وصفار البيض والخضار .
3.فيتامين سي:
بيفرز الكولاجين اللى بيربط الكالسيوم والفسفور والماغنسيوم وكل منهم عامل اساسي لتكوين العظام وموجود في الخضار الورقي زى السبانخ وكمان الحمضيات غنية بدرجة كبيرة بفيتامين سي .
4.الزنك :
معدن مهم ومفيد للجسم وخاصة صحة العظام وتقويتها ، والاغذية الغنية بالزنك هيا اللحوم ، الفراولة ، التوت ، والقرفة ، والزنجبيل .
5.اليود :
بينظم عمل الغدة الدرقية وبيحافظ على صحة العظام ، وموجود في المأكولات البحرية ، وملح الطعام ، والتعرض لهواء البحر كمصدر طبيعي لليود .
6.البوتاسيوم :
من المعادن المفيدة لصحة العظام ، وموجود بكثرة في المشمش ، البرتقال ، الفاصوليا ، الشمام ، والزبيب
7.الماغنسيوم :
الماغنسيوم بيحول فيتامين د للصورة اللى بيمتصها العظام ، ومصادره هي البقول والمكسرات والموز والحبوب الكاملة .
8.الفسفور:
بيمنع تكوين الكتلة العظمية ، ولازم ناكله بنسب محددة مع الكالسيوم ، وموجود في فول الصويا ، التمر ، الحليب ، الأسماك والمأكولات البحرية .
9. البورون :
بيقوي المناعة ، وصحة العظام ، وموجود في المشمش المجفف، والتفاح والعسل .
10.فيتامين ك :
بيفيد فى التئام الكسور والجروح ومن هنا بتكون أهميته للعظام والجسم بشكل عام ، ومن الأغذية الغنية بفيتامين ك الطماطم ، الكبدة ، والزيوت النباتية .


#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …