كيف تعلمى طفلك الهدوء أمام الزائرين

كيف تعلمى طفلك الهدوء أمام الزائرين

ممكن تلاحظى بعض التصرفات العدوانية او المحرجة من طفلك قدام الضيوف وتحسى بالحرج الجامد قدام الناس علشان كده هاقولك ازاى تتعاملى مع المشكله دى:
1. مبدئيا كده ابعدى خالص عن التعامل مع المشكلة بالضرب والاهانة قدام الناس ايا كان اللى عمله علشان متجرحيش كرامته وسئ جدا على نفسيتة وحاولى انك تتكلمى معاه على انفراد.
2.اتكلمى مع طفلك وحاولى تفهمى ايه اللى مضايقة لان اكيد فى سبب لتصرفاته وبمحاولتك انك تفهمى مشكلته هوه نفسه هايهدى وهايتصرف بشكل احسن قدام الناس.
3.متسيبيش طفلك ساعات طويلة من غير اهتمام لانه بيحس بالاهمال وبيؤثر فيه وبيبقى اكتر عناد ومشاكسه.
4.اوعى تعاقبية او تعلقى على تصرفاته قدام الناس عديها ولما توصلوا البيت اشرحيله اللى عمله وتصرفاته الغلط وبكده هايحس انها تقويم ليه مش عقاب ومش هايرجع يكررها تانى.
5.حاولي دايما تكونى جمبه وفى صفة بالرغم من زعلك منه وتعاطفى معاه وقوليله انه محبوب ولازم انه يغير من سلوكة العدوانى ويبطل تصرفاتة السيئة.
6.اوعى تقوليله انت طفل سئ او وحش وتجرحية ابدا.
7.حاولى انك تزودى من ثقتة بنفسة من خلال حبك ليه ودايما تعبريله عن حبك واهتمامك وصدقينى بكده عمرة ابدا ماهيتصرف اى تصرفات سيئة قدام الناس.


#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. دودى اخيرا لبست توكه

حواديت ماما .. دودى اخيرا لبست توكه كل الستات بتحلم إنها تخلف بنات عشان تسرح …