أغذيه وأطعمه تساعد الجسم على تطهير وحماية الكبد

أغذيه وأطعمه تساعد الجسم على تطهير وحماية الكبد

فيه اغذيه واطعمه بتساعد على تخليص الكبد من السموم وحمايته من الاصابه بأمراض خطيره كتير ، والكبد بيعتبر من اعضاء الجسم الحيويه لكن فى عادات غذائيه كتير بيمارسها الانسان كل يوم بتسب ضرر بليغ بالكبد ، ومنها التناول المفرط للأدويه والاكل الدسم والوجبات السريعه ، ودى تعتبر من ابرز الاسباب اللى بتسبب اصابة الكبد بمشاكل كتير.

وقدمت الصحيفه الروسيه قايمه بأهم الاطعمه اللى بتطهر الكبد من السموم وكمان تحسين وظايفه والاطعمه دى اللى بتنضف وتحمى الكبد هي :

1_ السبانخ : بتحافظ على صحة الكبد والسبانخ غنيه جدا بمادة الجلوتاثيون وهي عباره عن حمض مهم جدا لضمان صحة الكبد وكمان تنظيم عمل الكبد وتطهيره ، وكمان السبانخ بتحتوى على مضادات الاكسده اللى بتحمى الكبد من ظهور الخلايا السرطانيه وكمان بتطهره من المواد السامه.

2_ المكسرات : والجوز بشكل خاص مع انها بتحتوى على نسبه عاليه من الدهون الا انها بتعتبر مفيده جدا لصحة الكبد لانها بتحتوى على مادة الأرجينين اللى بتساعد على تطهير الكبد وامتصاص الامونيا من الجسم.

3_ اللمون : يعتبر اللمون من أنجح المواد الغذائيه اللى بيقدر على تطهير الكبد ، لو شربت كوباية ميه مع شوية عصير لمون صغيرين الصبح مفيد جدا وخصوصا ان فيتامين سى بيساهم فى تحسين قدرة الكبد على ازالة السموم من الجسم وكمان بيساعد على التخلص من المواد المضاده للأكسده.

4_ الكركم : يعتبر من اهم التوابل واشهرها ومعروف استخدامه فى جميع انحاء العالم وفى كل المطابخ ، والكركم بيخفف الالتهابات وبيحسن عملية الهضم وبيحسن عمل المراره وبالتالى بيساعد على تحسين وظايف الكبد.

5_ الكرنب : يعتبر من اكتر الخضروات المفيده للجسم بصفه عامه ويعتبر من الاغذيه الضروريه جدا لصحة الكبد وبيساعد على تحفيز وظيفته وبيسرع فى عملية ازالة السموم من الجسم.

6_ التفاح : بيحتوى على عناصر غذائيه كتير واللى بيساهم فى تحسين عملية الهضم وامتصاص العناصر الغذائيه المفيده وتعزيز صحة الكبد علشان كده بينصح الاطباء بأكل التفاح دايما وان التفاح الاخضر هو الخيار الافضل وكمان لانه من اهم الفواكه اللى بتساعد على تخفيف الوزن.

7 _ الثوم : يعتبر من اهم المواد الغذائيه القادره على تنقية الكبد من الشوائب وكمان بيساهم فى وقاية المعده من الالتهابات وامراض القرح ، وحاول اكل فص ثوم الصبح بعد ماتحطه فى الميه الدافيه لان الطريقه دى بتساعد على تحسين عمل الجهاز الهضمى ، والثوم كمان بيزود الجسم بالاليسين والسيلينيوم اللى بيعتبروا من المعادن المهمه اللى بتساعد على تنقية الكبد والحد من امراضه ، وبشكل عام يعتبر الثوم من افضل المضادات الحيويه الطبيعيه.

8_ نبتة الهندباء : ممكن ناكلها عن طريق اننا نعمل مشروب الهندباء ونشربه جنب الوجبات الرئيسيه لمدة شهر لانه بيساعد على ازالة الدهون من الكبد بشكل احسن.

9_ الهليون : يعتبر من الخضار الاساسى للمحافظه على صحة الكبد واعتماده كعنصر رئيسى فى النظام الغذائى اليومى ، واهم مميزات الهليون انه مدر للبول وبيساعد على ازالة السوايل الزياده من الجسم وكمان بيعتبر مصدر مهم للبروتين والمعادن اللى بيتم امتصاصها بسهوله من غير اجهاد الكبد.

10_ دقيق القمح الأسمر : يعتبر من المكونات الغذائيه المفضله عند مرضى الكبد وبيساعد الدقيق الاسمر على تكوين الانزيمات الضروريه لتطهير الكبد.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اسباب رفة العين وعلاجها

اسباب رفة العين وعلاجها بيعانى كتير من الناس من رفة العين أو تشنج العين أو …