اسباب تنميل اليدين والقدمين

اسباب تنميل اليدين والقدمين

بيعانى عدد كبير من الناس من تنميل وتخديل ايديهم ورجليهم ، واللى بيسبب ليهم بعض الوجع فى الاطراف واعاقه عن الحركه لبعض الوقت ، واسباب تنميل وخدلان الايدين والرجلين كتير ومنها :

1_ ضعف عام فى الاعصاب بسبب نقص فيتامين ب ، علشان كده التنميل ممكن يختفى بتناول اقراص او حقن فيتامين ب .
2_ احتمالية بداية مرض السكر ، وهنا بقا لازم نعمل تحليل لنسبة السكر فى الدم .
3_ مشكله فى فقرات العمود الفقرى العنقيه أو القطنيه واللى بيسبب الضغط على الاعصاب فى الايدين او الرجلين.
4_ احتمالات وجود الانيميا علشان كده لازم عمل تحليل دم كامل ونسبة الهيموجلوبين فى الدم.
5_ ممكن يكون التنميل وخدلان الاطراف بسبب بعض الادويه الطبيه.
6_ ممكن يكون التنميل وخدلان الاطراف بسبب التعرض للمواد الكيميائيه.
7_ ممكن يكون التنميل وخدلان الاطراف بسبب نقص بعض الفيتامينات.
8_ ممكن يكون التنميل وخدلان الاطراف بسبب التهابات الاعصاب.

علاج خدلان وتنميل الايدين والرجلين :

لعلاج المشكله الصحيه دى لازم استشارة الدكتور المختص علشان لازم اجراء الكشف الطبى قبل اخصائى الغدد للكشف عن الاصابه بمرض السكر ، وكمان لازم استشارة دكتور الاعصاب لتحديد لو كان التنميل ده بيصاحبه نقص فى الاحساس أو ضعف فى العضلات وفحص الانعكاسات العصبيه ومدى تأثيرها.

وكمان لازم اجراء صورة الرنين المغناطيسى لفقرات الرقبه علشان معرفة لو كان الشخص المصاب بالخدلان وتنميل الاطراف بيعانى من اجهاد عضلات الرقبه أو فقرات الرقبه.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أمراض الكلى والصيام فى رمضان

أمراض الكلى والصيام فى رمضان على مريض الكلى في رمضان مراعاة حالته الصحية واستشارة الطبيب …