اضرار ارتداء الجينز الضيق

اضرار ارتداء الجينز الضيق 

البناطيل الجينز الضيقه ليها مخاطر واضرار ممكن تسبب الاصابه بالام الضهر ، ولبس البناطيل الجينز الضيقه والجزم المفتوحه من الخلف وشيل الشنط الضخمه وكمان سلاسل واكسسوارات الرقبه التقيله هي سبب اساسى فى الشعور بالام العمود الفقرى.

لبس البناطيل الجينز الضيقه اوى بتقيد سهولة الحركه وبتسبب اجهاد فى العضلات اللى بتحاول تعوض التغير بسبب وضعية الجسم ، ولو كانت البناطيل ضيقه اوى مش هتقدروا تمشوا بشكل طبيعى لان كل شخص فينا عنده مشيه طبيعيه او خطوه طبيعيه المفروض انه يمشى بيها ، ووقت المشى بتتحرك الركبتين والحوض والمنطقه السفلى من الضهر لتقليل الاجهاد بسبب الاربطه ، ومع ذلك لو متحركش اى واحده من الاجزاء دى صح هيتسبب اجهاد اكتر فى كل الجسم.

9.4% من سكان العالم بيعانوا من الام الضهر والالام ممكن تسبب الشلل ، ولبس الكعب العالى كمان بيسبب الام وبيجهد العضلات الخلفيه للساق واللى بتأثر على عظام الحوض .

وكمان الجزم المفتوحه من ورا وجزم الباليه والجزم الناعمه اللى ليها رقبه طويله ممكن كمان تسبب اضرار للضهر لو لبستها البنت لوقت طويل ، لو كان مقاس الجزمه مش مناسب او كان رباط الجزمه مفكوك شويه او الجزمه مفتوحه من ورا هتلاقى نفسك بتحاول تمسك الجزمه برجلك طول ماانت ماشى خايف احسن تتخلع منك ، الحذاء المثالى لازم ييكون فيه رباط من قدام علشان تفضل الرجلين ثابته فيه طول ماانت ماشى.

لازم الستات تلبس لبس يديهم راحه وحرية الحركه ، وكمان ممكن الحجاب التقيل وشنط الكتف الكبيره انها تقيد الحركه ولو لابسين كده يبقا لازم يقللوا الوقت اللى بيقضوه وهما لابسين كده او لابسين جزم بكعب عالى او جزم مفتوحه من ورا ، ويفكروا وهما رايحين الشغل يلبسوا جزم رياضيه ومريحه او الجزم اللى بينصح باستخدامها بدل من الجزم دى المضره بصحة اجسامهم.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …