فوائد شرب الماء على الريق

فوائد شرب الماء على الريق

شرب الميه على الريق مفيد جدا للجسم واللى معروف بأسم التداوى بالماء واللى شائع اوى فى المجتمعات الغربيه وعرفته اليابان واللى اتشهر فيها اوى شرب الميه على الريق وخصوصا بين الستات ، واتبين ان ممارسة العاده دى بيحافظ على شباب الجسم وبيكافح السمنه ومرض السكر.
والميه بتشكل حوالى 70% من وزن جسم الانسان وعشان يحافظ الجسم على نشاطه وحيويته وعمله لازم نلبى حاجته من الميه دايما لان نقص الميه فى الجسم بيسبب تدهور الحاله الصحيه للجسم.

فوايد شرب الميه على الريق :

تخليص الجسم من السموم :
شرب الميه على الريق بيحفز حركة الامعاء والميه بتطرد السموم الخطيره من الجسم وزيادة نشاط الجهاز الهضمى.

تحسين عمليات الايض فى الجسم :
شرب الميه على الريق بيزود عملية الايض فى الجسم وتحسين التمثيل الغذائى بشكل كبير وتحسين عمل الجهاز الهضمى وتنقية القولون واللى بيساعد الجسم على امتصاص المواد الغذائيه الموجوده فى الغذاء.

معالجة عسر الهضم وحرقة المعده :
زيادة حموضة المعده بتسبب عسر الهضم وكمان حرقة المعده بتسبب ارتجاع الاحماض للمرئ ، ولما بنشرب كميات كافيه من الميه الصبح بيخف تركيز الاحماض دى وبتتراجع للأسفل ويساعد على تهيئة المعده لاستقبال الفطار.

مساعدة الجسم على فقدان الوزن الزائد :
شرب الميه بيساعد على طرد السموم من الجسم وتحسين عمل الجهاز الهضمى وده هيساعد على تقليل الشعور بالجوع وبالتالى هيقلل من الافراط فى تناول الاكل اللى بيسبب زيادة الوزن.

تحسين مظهر البشره ونضارة الجلد والوجه :
الجفاف ونقص الميه فى الجسم بيسببوا ظهور مبكر للتجاعيد والمسام العميقه فى الجلد ، وشرب نص لتر ميه اول مانصحى من النوم بيزود تدفق الدم فى الجلد وبيخليه مشرق اكتر وحيوى.

تنمية شعر لامع وصحي :
نقص الميه فى الجسم والجفاف ليه تأثيرات خطيره على الجسم بشكل عام وليه تأثير ضار على نمو الشعرلأن شرب الميه بيعزز من نمو الشعر ومنع تقصف الشعر وبالتالى لازم شرب كميات كافيه من الميه كل يوم وخصوصا على الريق عشان بيحسن نوعية شعرك بدرجه كبيره.

منع تكون حصوات الكلى :
شرب الميه على الريق بيخفف تركيز الاحماض اللى بتسبب تكوين حصوات الكلى ومن المعروف ان شرب الميه بيساعد على طرد الرمل من الكليتين وطرد الحصى وبيمنع التهابات المثانه.

تقوية الجهاز المناعى للجسم :
شرب الميه على الريق بينضف الجهاز اللمفاوى وبيسبب رفع مستوى المناعه فى الجسم وبيجنب الجسم من الاصابه بالامراض الكتيره الخطيره.

يبقا دلوقتى عرفنا اهمية اننا نشرب ميه على الريق اول مانصحى من النوم وأربع مرات وبعد 45 دقيقه نقدر ناكل وكمان نشرب الميه قبل الأكل بنص ساعه على الاقل.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …